एजेन्सी । एसी मिलानले इटालियन सिरी ‘ए’ मा आइतबार घरेलु टोली इम्पोलीविरुद्ध ३-० को सहज जित निकालेको छ ।
कार्लो कास्टेलानी रंगशालामा मिलानलाई जित दिलाउन रुवेन लोफ्टस चीक, ओलिभर जिरौड र चका ट्राओरेले गोल गरे ।
जितसँगै १९ खेलमा ३९ अंक जोडेको इन्टर तेस्रो स्थानमा छ । पराजय ब्यहोरेको इम्पोली समान खेलमा १३ अंकका साथ १९ औं स्थानमा छ ।
खेलको ११ औं मिनेटमा चीकको गोलमार्फत इन्टरले अग्रता लिएको थियो । उनले राफेल लियोको पासलाई सदुपयोग गरेका हुन् । ३१ औं मिनेटमा जिरौडले पेनाल्टीमार्फत गोल गर्दै टोलीको अग्रता दोब्बर बनाए ।
निर्धारित समय सकिन दुई मिनेट बाँकी छँदा ट्राओरले गोल गर्दै मिलानलाई ३-० को सहज जित दिलाए । उनले किस्टियन पुलिसिकको पासलाई पोस्टको दिशा दिएका हुन् ।
