एजेन्सी । विश्व फुटबलको सर्वोच्च संस्था फिफाले ब्राजिली फुटबल सङ्घलाई निलम्बन गर्ने चेतावनी दिएको छ ।
ब्राजिली फुटबल सङ्घको २०२४ जनवरीमा हुन आँटेको निर्वाचनलाई लिएर फिफाले राष्ट्रिय टिम र क्लबलाई अन्तर्राष्ट्रिय प्रतियोगितामा भाग लिन निलम्बन गर्नसक्ने चेतावनी दिएको हो ।
एडनाल्डो रोड्रिग्सको स्थानमा नयाँ अध्यक्ष चयन गर्ने विषयमा हतार गरेमा निलम्बनको सामना गर्नुपर्ने भन्दै फिफाले ब्राजिली फुटबल सङ्घ सीबीएफलाई पत्र लेखेको छ ।
रियो दी जेनेरियोको एक अदालतले पछिल्ला वर्ष फुटबल सङ्घको चुनावमा अनियमितताको कारण देखाएर रोड्रिग्ससहित सङ्घमा उनीले नियुक्त गरेका सबैलाई डिसेम्बर ७ मा पदबाट हटाएको थियो ।
ब्राजिलका अदालतले पछिल्ला हप्ता यस फैसलालाई जारी राखेको छ ।
फिफाले आफ्नो सदस्य सङ्घमा सरकार वा तेस्रो हस्तक्षपलाई अस्विकार गर्ने गर्छ ।
सोही कारण पाँच पटकको विश्व विजेता ब्राजिल समस्या समाधान हुने बेलासम्म मुख्य प्रतियोगिताबाट बाहिर हुन सक्ने छ ।
