एजेन्सी । इङ्ग्लिस क्लब म्यानचेस्टर सिटीले पहिलोपटक क्लब विश्वकपको उपाधि जितेको छ ।
शुक्रबार राति ब्राजिलियन क्लब फ्लुमिनेन्स एफसीमाथि ४-० गोलान्तरको जित निकाल्दै सिटीले उपाधि जितेको हो ।
साउदी अरेबियाको किङ अब्दुल्लाह स्पोर्ट्स सिटी स्टेडियममा जुलियन अल्भारेजको दुई गोल र फिल फोडेनको एक गोलको मद्दतले सिटीले उपाधि जितेको हो ।
एउटा आत्मघाती गोल भने सिटीले उपहारमा पाएको हो ।
योसँगै म्यानचेस्टर युनाइटेड, लिभरपुल र चेल्सीपछि क्लब विश्वकपको उपाधि जित्ने सिटी चौथो प्रिमियर लिग टोली बनेको छ ।
यसका साथै सिटीले यो वर्ष पाँचवटा उपाधि पनि जित्न सफल भएको छ । यस्तो गर्ने सिटी पहिलो इङ्ग्लिस टोली हो ।
सिटीले यो वर्ष प्रिमियर लिग, एफए कप, च्याम्पियन्स लिगका साथै युइएफए सुपरकप जितिसकेको छ ।
