घरेलु टोली नेपाललाई पिएनजीको २९३ रनकाे विशाल लक्ष्य

शब्द एक्स्प्रेस संवाददाता
शुक्रबार ११ चैत, २०७८
२ वर्षअघि
घरेलु टाेली

कप्तान आसद भाला र चाल्र्स अमिनीको अर्धशतकीय इनिङको मद्दतमा पपुवा न्युगिनी (पिएनजी)ले घरेलु टोली नेपाललाई जितका लागि २सय ९३ रन लक्ष्य दिएको छ ।

टस जितेर ब्याटिङको निम्तो पाएको पिएनजीले उत्कृष्ट सुरुवात गरेको थियो ।

पिएनजीका लागि सर्वाधिक ७७ रन चाल्र्स अमिनीले बनाए । चाल्र्सबाहेक कप्तान भालाले पनि ६० रनको अर्धिशतकीय इनिङ खेलेपछि पिएनजीले विशाल योगफल बनाउन सफल भयो ।

पिएनजीका जेसन किला र सिमाेन नटआउट रहे ।

नेपालका सर्वाधिक विकेट सोमपाल कामी र दिपेन्द्रसिंह ऐरी र कमलसिंह ऐरीले समान दुई–दुई विकेट लिए ।

ऐरी, कामी र ऐरीबाहेक कप्तान सन्दिप लामिछाने र पवन सर्राफ एक–एक विकेट लिए ।

पावर प्लेमा ६० रन बटुलेको पिएनजीले पहिलो विकेट चौथो ओभरमा गुमाएको थियो ।

ओपनर हिरी हिरीलाई सोमपाल कामीले विकेटकिपर अनिल शाहको मद्दतमा पेभिलियन फर्काएका थिए ।

त्यसपछि नेपालविरुद्ध हाबी भएको पिएनजीले दोस्रो विकेट १३औं ओभरमा गुमायो ।

नेपालका लागि दोस्रो विकेट दिपेन्द्रसिंह ऐरीले दिलाए । ठूलो सट प्रहार गर्ने क्रममा पिएनजीका टोनी उरा भीम सार्कीबाट क्याच आउट हुन पुगे ।

पेभिलियिन फर्किनुअघि उराले ६ चौकाको मद्दतमा टोलीलाई ३८ रनको योगदान दिएका थिए ।

७० रनमा दुई विकेट गुमाएको पिएनजीले तेस्रो र चौथो विकेट भने दुई ओभरको अन्तरमा गुमायो ।

तेस्रो विकेटका रुपमा कप्तान भालालाई गुमाएको पिएनजीले चौथो विकेटका रुपमा सेसे बाउलाई गुमायो ।

२६औं ओभरको पहिलो बलमा भालालाई ६० रनमा रोक्न दिपेन्द्रसिंह ऐरी पुन नायक बने । ५५ बलमा ११ चौका प्रहार गर्दै अर्धशतकीय इनिङ खेलेका भालालाई ऐरीले बोल्ड गर्दै क्रिज छाड्न बाध्य बनाए ।

लगत्तैको ओभरमा नेपालका कप्तान सन्दिप लामिछानेले बाउलाई शुन्य रनमा क्याच आउट गराए । ६ बलको सामना गरेका बाउ मात्रै पिएनजीका तर्फबाट रन बनाउन नसक्ने एकमात्र खेलाडी हुन् ।

बाउबाहेक हिरीले सर्वाधिक कम चार रन बटुलेका थिए ।

विकेटका लागि भौतारिएको नेपालले १५ ओभरपछि मात्र पाँचौँ सफलता हात पार्याे ।

पिएनजीको पाँचौ विकेटका रुपमा रिले हेकुरे ४२औं ओभरमा पवन सर्राफमार्फत बोल्ड भए । ४० बलको सामना गरेका उनले पाँच चौकाको मद्दतमा ३१ रन बनाएर पेभिलियन फर्किए ।

पिएनजीको छैटौं विकेटको पतन ४६औ. ओभरमा सोमपाल कामीले गराए । उनले चाल्र्सलाई ७७ रनमा बोल्ड आउट गरे ।

पिएनजीका तर्फबाट सर्वाधिक रन बनाएका चाल्र्सले एक सय तीनको सामना गर्दै चार चौका र एक छक्काको मद्दतमा ७७ रनको अर्धशतकीय पारी खेले ।

नर्मन भानुआलाई ४७ रनमा क्याच आउट गराउँदै कमलसिंह ऐरीले नेपाललाई सातौ सफलता दिलाए ।

तीन छक्का र चार चौकाको सहयोगमा निकै आक्रमक इनिङ खेलेका नर्मन अन्तिम ओभरको दोस्रो बलमा पेभिलियिन फर्किए ।

सोही ओभरको अन्तिम बलमा ऐरीले नै नेपाललाई आठौं सफलता दिलाए ।

नर्मनको स्थानमा मैदानमा आएका सिमोनलाई ऐरीले दुई रनमा बोल्ड गर्दै पिएनजीलाई दुई सय ९२ रनमा रोके ।

दुई एकदिवसिय र त्रिकोणत्मक टी२० खेल्न नेपाल भ्रमणमा रहेको पिएनजीले नेपालविरुद्धको दोस्रो एकदिवसिय खेल भोलि (शनिबार) कीर्तिपुर क्रिकेट रङ्गशालामा खेल्नेछ ।

नेपाल, पिएनजी र मलेसिया सम्मिलित त्रिकोणात्मक टी२०आई सिरिज भने २८ मार्चबाट सुरू हुनेछ ।

टी२०आईको पहिलो खेलमा पनि नेपाल र पिएनजीनै सामना हुँदैछन् । २८ मार्चबाट सुरू हुने टी२०आई अप्रिल १ मा सम्पन्न हुनेछ ।

प्रकाशित समय: शुक्रबार ११ चैत, २०७८, १३:११:११
विराटनगरका मनिष राष्ट्रिय टोलीको गोलकिपर प्रशिक्षकमा नियुक्त
शुक्रबार ११ जेठ, २०८१
सुन्दरहरैंचामा सडक विस्तारको काम सुरु, ओलीले गरे शिलान्यास
शुक्रबार ११ जेठ, २०८१
कैलाश सिरोहियालाई थप तीन दिन हिरासतमा राख्न अनुमति
शुक्रबार ११ जेठ, २०८१
त्रिशक्ति कन्स्ट्रक्सनकाे गाडी दुर्घटना : एक जनाको मृत्यु, एक घाइते
शुक्रबार ११ जेठ, २०८१
कलाकार दम्पती जीवन–लक्ष्मीलाई पुत्र लाभ
शुक्रबार ११ जेठ, २०८१
पशुपतिको भेटी चोरी प्रकरण : एक कर्मचारीको घरबाट ६ लाख रुपैयाँ बरामद
शुक्रबार ११ जेठ, २०८१
लेटाङमा ट्र्याक्टर पल्टियो, दुई जना गम्भीर घाइते
शुक्रबार ११ जेठ, २०८१
माई खोलामा पौडी खेल्न गएका दुई बालकको मृत्यु
शुक्रबार ११ जेठ, २०८१
रतुवामाईमा एमाले छोडेर ३८ जना माओवादीमा प्रवेश
बिहिबार १० जेठ, २०८१
बुद्ध जयन्तीको अवसर पारेर किड्स भिलेजमा स्वास्थ्य शिविर
बिहिबार १० जेठ, २०८१
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
विराटनगरमा हनी ट्रयापको बिगबिगी : एक जनाबाटै ठगिए २५ बढी पुरुष
आईतबार ४ चैत, २०८०
‘बुढेशकाल’ मा जन्मिएका जुम्ल्याहा सन्तान अस्ताए, आफू पनि ६ घण्टा मार्वल स्टोनले थिचिए
शुक्रबार ११ फाल्गुण, २०८०
रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक
बुधबार २८ चैत, २०८०
सुन्दरहरैंचाबाट पाँच लाख रुपैयाँसहित समातिइन् लागुऔषध कारोबारी सुनिता राई
बिहिबार १ चैत, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
बुबाको मृत्युपछि आमाको गर्जो धान्दै थिइन् सम्झना, सडक दुर्घटनामा गयो उनकै ज्यान
बिहिबार १७ फाल्गुण, २०८०