अभिनेता पल शाह प्रकरणमा जथाभावी समाचार लेख्दा १० वटा वेबसाइट प्रतिबन्धमा परेका छन् ।
नाबालिका गायिकामाथि बलात्कार गरेको अभियोग लागेका शाह प्रकरणमा प्रेस काउन्सिल नेपालले १० ओटा वेबपोर्टल सहित १६ युट्युव च्यानललाई कारबाही सिफारिस गरेको हो ।
काउन्सिलका अनुसार व्यक्तिक गोपनीयता प्रतिकूल हुने, पीडितलाई थप पीडा पुग्ने तथा नकारात्मक असर पर्ने, पीडितको पहिचान खुल्ने गरी नाम, तस्वीर र भिडियो सामग्री सम्प्रेषण गरेको छ ।
न्यायिक निकायमा विचाराधीन मुद्दाको स्वच्छ सुनुवाइ प्रकृयामा प्रभाव पर्ने किसिमले आरोपी र जाहेरीवालाको पक्षविपक्षमा सामग्री सम्प्रेषण गरेको भन्दै वेबपोर्टल र युट्युव च्यानललाई कारबाहीको दायरामा ल्याइएको हो ।
सूचना तथा प्रसारण विभागमा दर्ता र काउन्सिलमा सूचीकरण नभएका यी १० वेबसाइटलाई नेपालभित्र सम्प्रेषण हुन नसक्ने व्यवस्थाका लागि नेपाल दूरसञ्चार प्राधिकरणमा सिफारिस गरेको छ ।
प्राधिकरणले इन्टरनेट तथा मोबाइल सेवाप्रदायकलाई यी वेबसाइट नेपालमा नचल्ने गरी प्रतिबन्ध लगाउन पत्राचार गर्ने छ ।
यी हुन् प्रतिबन्धमा परेका १० वेबपोर्टलहरूः
– चन्द्रागिरी टाइम्स डटकम
– समाज पत्र डटकम
– पोखरा एनपी डटकम
– सत्य सूचना डटकम
– द टप २४ न्युज डटकम
– शिखर हट न्युज डटकम
– ब्राइट दैनिक डटकम
– पूर्वी कमान्ड डटकम
– तुफान मिडिया न्युज डटकम
– नेप २४ खबर डटकम
युट्युव च्यानलमाथि साइबर अपराध मुद्दा चलाउन नेपाल प्रहरीको साइबर ब्यूरोमा सिफारिस गरिएको छ । -टेकपानाबाट
