लिभरपुल र चेल्सी एफए कप फुटबलको क्वार्टरफाइनलमा प्रवेश गरेका छन् ।
बुधबार राति भएको पाँचाैँ चरणअन्तर्गत आ-आफ्नो खेलमा जित निकाल्दै लिभरपुल र चेल्सी क्वार्टरफाइनलमा प्रवेश गरेका हुन् ।
लिभरपुल नर्विच सिटीलाई २-१ गोल अन्तरले हराउँदै लिभरपुल अन्तिम आठमा पुगेको हो ।
लिभरपुललाई जित दिलाउन ताकुमी मिनामिनोले दुई गोल गरे ।
नर्विचका लुकास रुपले एक गोल फर्काए ।
खेलको २७औँ मिनेटमा मिनामिनोले गोल गर्दै लिभरपुललाई सुरुआती अग्रता दिलाएका थिए ।
खेलको ३९औँ मिनेटमा मिनामिनोले व्यक्तिगत दोस्रो गोल गर्दै लिभरपुललाई २-० को अग्रता दिलाए ।
त्यसपछि खेलको ७६औँ मिनेटमा नर्विचका रुपले गोल गरेपनि लिभरपुल २-१ ले विजयी भयो ।
यस्तै, गए रातिकै अर्को खेलमा लटन टाउनलाई ३–२ गोलले हराउँदै चेल्सी अघिल्लो चरणमा प्रवेश गरेको छ ।
लटन टाउनको मैदानमा चेल्सीको जितमा साउल निगुएज, टिमो वेर्नर र रोमेलु लुकाकुले एक–एक गोल गरे ।
लटन टाउनका रिस बुर्के र ह्यारी कर्निकले एक–एक गोल लगाए ।
खेलको दोस्रो मिनेटमा बुर्केले गोल गर्दै घरेलु टिमलाई सुरुआती अग्रता दिलाए ।
२७औँ मिनेटमा निगुएजले गोल गर्दै चेल्सीलाई खेलमा फर्काए ।
४०औँ मिनेटमा कर्निकले गोल गरेपछि लटन टाउनले पहिलो हाफमा २–१ गोलको अग्रता बनायो ।
खेलको ६८औँ मिनेटमा वेर्नरले गोल गर्दै चेल्सीलाई बराबरीमा फर्काए ।
७८औँ मिनेटमा लुकाकुले गोल गरेपछि चेल्सी ३–२ गोलले विजयी बन्यो ।
अर्को खेलमा जित निकाल्दै साउथह्याम्पटन पनि क्वाटरफाइनलमा प्रवेश गरेको छ ।
साउथह्याम्पटनले वेस्ट ह्याम युनाइटेडलाई ३-१ गोल अन्तरले हरायो ।
यो पनि :
