नेपाल राष्ट्रिय तथा अन्तर्राष्ट्रिय खेलाडी सङ्घ (एनएनआइपिए) ले राष्ट्रिय महिला भलिबल टोलीकी कप्तान अरुणा शाही र राष्ट्रिय फुटबल टोलीका पूर्वकप्तान विराज महर्जनलाई एनएनआइपिए सर्वोत्कृष्ट खेलाडी अवार्ड प्रदान गरेको छ ।
मङ्गलबार गोदावरीमा आयोजना गरको १६औँ एनएनआइपिए स्पोर्ट्स अवार्डमा अरुणा र विराज सर्वोत्कृष्ट खेलाडी चुनिए । अवार्डसहित दुवैले जनही एक लाख रुपैयाँ पुरस्कार पाए ।
विभिन्न २७ खेलका उत्कृष्ट खेलाडीलाई सम्मान गरको छ ।
सम्मानित हुनेमा आर्चरीका ज्ञानु अवाले, एथलेटिक्सका किरण सिंह बोगटी, ब्याडमिन्टन प्रिन्स दाहाल, बास्केटबलकी सदिना श्रेष्ठ, बक्सिङकी सुष्मा तामाङ, साइक्लिङका राजेश मगर, फेन्सिङकी अनिता कार्की र गल्फकी कस्मिरा शाह रहेका छन् ।
त्यसैगरी, ह्यान्डबलका विशाल बस्नेत, हक्कीकी अञ्जना चन्द, जिम्न्यास्टिकका रोहन बुढाथोकी, कराँतेका विप्लव श्रेष्ठ, र्याफ्टीङ एन्ड क्यानोनिङका सुमन तामाङ, जुडोकी सुमित्रा राई, स्किका सफल राम श्रेष्ठ र पौडीका अनुभव सुब्बाले उत्कृष्ट खेलाडीको पुरस्कार प्राप्त गरे ।
सुटिङकी कृष्णा थापा, कब्बडीका नागेश्वर थारु, टेबल टेनिसका स्यान्टु श्रेष्ठ, तेक्वान्दोकी पार्वती गुरुङ, ट्रायथ्लनका हिमाल टमटा, लन टेनिसकी अभिलाषा विष्ट, फुटबलका बिराज महर्जन, भलिबलकी अरुणा शाही, वेटलिफ्टिङकी कमला श्रेष्ठ, उसुकी निमा घर्तीमगर र रेस्लिङका सुरेश चुनारा उत्कृष्ट भए ।
सबै खेलाडीले नगद १० हजार प्राप्त गरे ।
पारा एथलेटिक्सकी पलेसा गोवर्द्धनले उत्कृष्ट पारा खेलाडी सम्मानसहित १० हजार प्राप्त गरिन् ।
यस्तै, संघले खेलपत्रकार हिमेशरत्न बज्राचार्यलाई एनएनआइपिए खेल पत्रकारिता पुरस्कार प्रदान गरेको छ ।
बज्राचार्यलाई कदरपत्र सहित २५ हजार रुपियाँबाट सम्मान गरिएको हो ।
यसैगरी संघले एथलेटिक्सका पूर्व प्रशिक्षक ओलम्पियन पुष्पराज ओझालाई गजराज आदर्श खेल व्यक्तित्वबाट सम्मानित गरेको छ ।
पुष्पराजलाई अवार्ड सहित ३५ हजार रुपियाँ प्रदान गरियो ।
तेक्वान्दोकी पार्वती गुरुङ र ट्राइथोलनका हिमाल टमाटा एनएआइपिए प्रतिभाशाली खेलाडी घोषित भए ।
दुवैलाई अवार्ड सहित जनही ५० हजार रुपैयाँ पुरस्कार प्रदान गरियो ।
ब्याडमिन्टनको जुनियरतर्फका नम्बर एक खेलाडी प्रिन्स दाहाल र दक्षिण एसियाली खेलकुद (साग) की दोहोरो स्वर्ण पदक विजेता निमा घर्तीमगर एनएनआइपिए उदियमान खेलाडी घोषित भउ ।
पारा तेक्वान्दो खेलाडी पलेशा गोवर्द्धन उत्कृष्ट पारा खेलाडी घोषित भए ।
ओलम्पियन पलेसाले १० हजार रुपियाँ पुरस्कार पाए ।
यो पनि:
