एसियाली फुटबल महासङ्घ (एएफसी) ले एसियन कप २०२३ को छनोट अन्तर्गतको अन्तिम चरणको समूह चरणका खेल तालिका सार्वजनिक गरेको छ ।
मलेसियास्थित क्वालालम्पुरमा अवस्थित एएफसीको मुख्यालयमा आजको भएको ड्रमा नेपाल जोर्डन, इन्डोनेसिया र कुवेतसँगै समूह ‘ए’ मा रहेको छ ।
समूहको सबै खेल कुवेतमा हुनेछ ।
२४ टोलीको सहभागीता रहने छनोट प्रतियोगिताबाट उत्कृष्ट ११ टोलीले चीनमा आयोजना हुने एएफसी एसियन कपमा सहभागिता जनाउनेछन् ।
६ समूहका शीर्ष टोली स्वतः कपमा छनोट हुँदा ६ समूहकै पाँच उत्कृष्ट उप–विजेताले पनि चीनमा हुने प्रतियोगिता खेल्ने पाउने एफसीले व्यवस्था गरेको छ ।
समूह चरणका सबै खेल जुन ८ देखि १४ सम्म समूहभित्रका आयोजक राष्ट्रमा हुनेछ ।
६ समूह र खेल हुने राष्ट्र
समूह एः जोर्डन, इन्डोनेसिया, नेपाल, कुवेत (खेल हुने राष्ट्र)
समूह बीः प्यालेस्टाइन, फिलिपिन्स, यमन, मङ्गोलिया (खेल हुने राष्ट्र)
समूह सीः थाइल्यान्ड, माल्दिभ्स, श्रीलङ्का, उज्वेकिस्तान (खेल हुने राष्ट्र)
समूह डीः हङकङ, अफगानिस्तान, कम्बोडिया, भारत (खेल हुने राष्ट्र)
समूह ईः बहराइन, तुर्कमेनिस्तान, बङ्गलादेश, मलेसिया (खेल हुने राष्ट्र)
समूह एफः ताजकिस्तान, म्यानमार, सिङ्गापुर, किर्गिस्तान (खेल हुने राष्ट्र)
नेपाल सम्मिलित समूह ‘ए’ का खेल कुवेतमा हुँदा समूह ‘बी’का खेल मङ्गोलिया, समूह
२४ राष्ट्रले सहभागिता जनाउने प्रतियोगितामा हालसम्म १३ राष्ट्रले आ–आफ्नो स्थान पक्का गरिसकेका छन् ।
आयोजक चीनबाहेक दोस्रो चरणमा समूह विजेता बनेका इरान, जापान, दक्षिण कोरिया, अस्ट्रेलिया, युएई, कतार, साउदी अरेबिया, इराक, लेबनान, ओमान, भियतनाम र सिरिया एसियन कपमा स्थान बनाउन सफल १३ राष्ट्र हुन् ।
एसियन कप चीनमा सन् २०२३ मा हुनेछ ।
