आईसीसी पुरुष टी२० विश्वकप ग्लोफल क्वालिफायरको आफ्नो पहिलो खेलमा नेपाल पहिले ब्याटिङ गर्ने भएको छ ।
घरेलु टोली ओमानविरुद्ध खेल्दै आफ्नो क्वालिफायरको यात्रा सुरु गर्न लागेको नेपालले टस हार्दै ब्याटिङको निम्तो पाएको हो ।
अल अमरेत क्रिकेट मैदानमा ११ः४५ बजे सुरु हुने खेलमा दुवै टोली पहिलो जितको खोजीमा हुनेछन् ।
सन्दिप लामिछानेको कप्तानीमा मैदान उत्रन लागेको नेपाली टोलीको ओपनिङ भरपर्दा युवा ब्याटर कुशल भुर्तेल र आसिफ शेखले गर्ने भएका छन् ।
प्रशिक्षक पुबुदु दासानायकेले आजको खेलका लागि शरद भेषवाकर, गुलशन झा र सागर ढकाललाई टोली बाहिर राखेको छन् ।
ओमान पुगेको १७ सदस्यीय टोलीमध्ये बाट नेपाल क्रिकेट सङ्घ (क्यान)ले गलुशन झालाई समेट्दै अन्तिम १४ खेलाडीको नाम सार्वजनिक गरेको थियो ।
नेपाल र ओमानले पछिल्लो पटक ओमानमा नै भएको चारदेशीय टी२० सिरिज खेलेका थिए । जुन खेलमा नेपालले ओमानलाई ६ विकेटले पराजित गरेको थियो ।
ओमान आज सोही खेलको पराजयको बदला लिँदै क्वालिफायरमा सानदार सुरुवात गर्न चाहन्छ ।
यही वर्ष अस्ट्रेलियामा आयोजना हुने विश्वकप छनोटका लागि नेपाल समूह ‘ए’ मा परेको छ ।
समूहमा नेपालसहित ओमान, बहराइन, क्यानडा, जमर्नी, आयरल्यान्ड, फिलिपिन्स र यूएई गरेर आठ टोली छन् ।
आठ टोलीलाई पनि दुई समूहमा विभाजन गरिएको छ ।
नेपालको समूहमा क्यानडा, ओमान र फिलिपिन्स छन् ।
अर्को समूहमा आयरल्यान्ड, यूएई, बहराइन र जमर्नी छन् ।
नेपालले शुक्रबार ओमान, शनिबार फिलिपिन्स र सोमबार क्यानडासँग खेल्नेछ । शीर्ष दुईमा रहनसके नेपालले मंगलबार सेमिफाइनल खेल्नेछ ।
फाइनल पुग्ने दुई टोलीले आगामी अक्टोबर नोभेम्बरमा अष्ट्रेलियामा हुने टि२० विश्वकप खेल्न पाउनेछन् ।
