युरोपियन च्याम्पियन क्लब चेल्सी फिफा क्लब विश्वकप फुटबलको फाइनलमा प्रवेश गरेको छ ।
बुधबार राति भएको सेमिफाइनलमा साउदी अरेबियाको अल हिलालविरुद्ध १-० को जित निकाल्दै इङ्ग्लिस क्लब चेल्सी उपाधिनजिक पुगेको हो ।
अबुधाबीस्थित मोहम्मद बिन जायद स्टेडियममा चेल्सीलाई जिताउन रोमेलु लुकाकुले निर्णायक गोल गरे ।
लुकाकुले खेलको ३२औँ मिनेटमा गरेको गोल नै चेल्सीका लागि निर्णायक गोल बनेको हो ।
चेल्सीले उपाधिका लागि ब्राजिलको क्लब पाल्मिरस क्लबसँग खेल्नु पर्ने छ ।
उपाधि भिडन्त भने शनिबार राति १०ः१५ बजे अबुधाबीमा हुने छ ।
