बलिउड स्टार कार्तिक आर्यनले तेलुगु फिल्म अला वैकुण्ठपुरमुलुको हिन्दी रिमेक शेहजादाबाट बाहिरिने धम्की दिएका छन् ।
कार्तिकले शेहजादाबाट निस्किने आफूलाई धम्की दिएको निर्माता मनिष शाहले बताएका छन् ।
शाह उनै निर्माता हुन् जसले अल्लु अर्जुन अभिनित तेलुगु फिल्म अला वैकुण्ठपुरमुलुको हिन्दी भर्सन निर्माण गर्ने अधिकार लिएका छन् ।
इन्डिया टुडेसँगको अन्तर्वार्तामा बोल्दै निर्माता शाहले अला वैकुण्ठपुरमुलुलाई हिन्दी भाषामा सार्वजनिक गरिए कार्तिकले चलचित्र छाड्ने धम्की दिएको खुलासा गरेका छन् ।
कार्तिकको सो कदमलाई अव्यवसायीकको संज्ञा दिएका निर्माता शाहले भनेका छन्, ‘कार्तिकले चलचित्रलाई हालको अवस्थामा छाडे मलाई ४० करोड (भारु) घाटा हुन्छ ।’
अला वैकुण्ठपुरमुलुको हिन्दी भर्सन शेहजादाको निर्माण सुरू भइसकेकाले अला बैकुण्ठपुरमुलुलाई हिन्दी भाषमा सार्वजनिक नगरिने सहमती भइसकेको बताइएको छ ।
