इन्डियन प्रिमियर लिग (आइपिएल) मा डेब्यु गर्न लागेकाे टिम लखनउले आफ्नो टोलीकाे आधिकारिक नाम सार्वजनिक गरेकाे छ ।
आरपी सन्जीव गोयेन्का ग्रुपको लगानी रहेको टोलीकाे अफिसियल नाम क्लबका अध्यक्ष सञ्जिव गाेयेन्काले सामाजिक सञ्जाल मार्फत सार्वजनिक गरेका छन् ।
‘नाम बनाउनुस्, नाम कमाउनुस्’ नामक अभियान सञ्चालनमा ल्याएकाे टिम लखनउले आफ्नाे टाेलीकाे आधिकारिक नाम ‘लखनउ सुपर जाइन्ट्स’ राखेकाे छ ।
टाेलीकाे आधिकारिक नाम सार्वजनिक गर्दै लखनउ सुपर जाइन्ट्सका अध्यक्ष गाेयेन्काले नाम जुराउन सहयाेग गर्ने सबैलाई धन्यावद दिएका छन् ।
डिसेम्बर ३० मा फेसबुकमा आफूलाई सार्वजनिक गरेको लखनउले सामाजिक सञ्जाल फेसबुक, ट्विटर र इन्स्टाग्राममा पहिलो पोस्ट गर्दै टाेलीकाे नाम सिफारिस गर्न समर्थकलाई आव्हान गरेकाे थियाे ।
जाइन्ट्सले गौतम गम्भीरलाई मेन्टर र एन्डी फ्लावरलाई मुख्य प्रशिक्षकका रूपमा टाेलीमा आबद्ध गराइसकेकाे छ ।
आइपिएल २०२२ मा लखनउ सुपर जाइन्ट्सलाई के एल राहुलले कप्तानी गर्दैछन् ।
उनीसँगै जाइन्ट्समा अस्ट्रेलियन अलराउण्डर मार्कस स्टोइनिस र भारतीय लेग स्पिनर रभी बिस्नोइ अनुबन्धीत भइसकेका छन् ।
लखनउ सुपर जाइन्ट्ससँगै यस संस्करणबाट अहमदाबादले पनि प्रतियोगितामा पहिलो पटक सहभागिता जनाउँदै छ ।
अहमदाबादले भने हालसम्म आफ्नो आधिकारिक नाम सार्वजनिक गरेको छैन ।
