फ्रेन्च लिग वान फुटबलमा शीर्ष स्थानको पेरिस सेन्ट जर्मेन (पिएसजी) ले रेम्समाथि सानदार जित निकालेको छ ।
घरेलु मैदानमा आइतबार राति भएको खेलमा पिएसजीले रेम्सलाई ४–० गोलले हराएको हो।
पिएसजीले पहिलो हाफमा एक र दोस्रो हाफमा तीन गोल गरेको थियो । पिएसजीको जितमा मार्को भेराट्टीले ४४औँ मिनेटमा खाता खोले ।
६२औँ मिनेटमा सर्जियो रामोसले गोल गर्दा पिएसजी अग्रता दोब्बर बनाए । रामोस गत समर ट्रान्सफरमा रियल मड्रिडबाट फ्रान्सको राजधानी पेरिस आएका हुन् ।
यस्तै, ६७औँ मिनेटमा रेम्सका वाट फइजले आत्मघाती गोल गरेपछि पिएसजी ३-० गोलले अग्रता बनायो । मार्को भेरार्टीले ७५औँ मिनेटमा गोल गर्दै पिएसजीलाई सानदार जित दिलाए ।
जितसँगै शीर्षटोली पिएसजीले २२ खेलबाट ५३ अङ्क बनाएको छ । पराजित रेम्स २४ अङ्कसहित १४औँ स्थानमा छ ।
दोस्रो स्थानमा रहेको नाइसको ४२ अङ्क छ । आइतबार रातिनै भएको खेलमा नाइसले मेट्जलाई २–० गोलले हराएको थियो । पराजित मेट्ज १९ अङ्कसहित १८औँ स्थानमा छ ।
