ल्यापटपमा काम सकेपछि सटडाउन गर्नु सामान्य कुरा हो ।
ल्यापटप पूर्ण रूपमा सटडाउन गर्दा ब्याट्री धेरै समय टिक्छ भन्ने सोच्नुचाँहि गलत हुनसक्छ ।
विन्डोज १० र ११ मा ल्यापटपको ब्याट्री टिकाउनका लागि विभिन्न फिचर थप गरिएका छन् ।
बिहानैदेखि प्रयोग गरी बेलुका ल्यापटपको प्रयोग सकेपछि सटडाउन गर्नुे बानी छ भने ठिकै हो तर यदि तपाईं ल्यापटप छोटो समयका लागि प्रयोग गर्दै बन्द गर्दै पुनः प्रयोग गर्नुहुन्छ भने सटडाउन गर्ने बानी हटाउनुहोस् ।
छोटो समयका लागि प्रयोग गरेपछि ल्यापटपको फिचर स्लिप मोडमा राख्नुहोस् । सटडाउन गर्नुभन्दा ल्यापटपलाई ‘स्लिप मोड’ मा राख्नु धेरै उपयुक्त हुन्छ ।
यदि ल्यापटपलाई स्लिप मोडमा राख्यौँ भने पुन ओपन गर्दा धेरै ब्याट्री खपत गर्दैन । स्लिप मोडमा राख्दाको अर्काे फाइदा भनेको पावर अन गर्दाभन्दा स्लिम मोडमा राखेको ल्यापटप अन गर्दा छिटो प्रयोग गर्न सकिन्छ ।
स्लिप मोडमा राख्नका लागि पावर बटनमा क्लिक गरेर ‘स्लिप’ मोडमा क्लिक गरी स्लिप मोडमा राख्न सकिन्छ । ल्यापटपलाई बन्द गर्दा पनि ल्यापटप सीधै स्लिप मोडमा जान्छ ।
