विराटनगर । विराटनगर महानगरपालिका-८ हाटखोलामा अवस्थित जिल्ला कारागार मोरङमा शिव मन्दिरको उद्घाटन भएको छ ।
मोरङ जिल्ला प्रशासन प्रमुख इन्द्रदेव यादव, सशस्त्र प्रहरी बलका एसपीसहित विभिन्न सुरक्षा निकायका प्रतिनिधिहरूको उपस्थितिमा बुधबार शिव मन्दिरको उद्घाटन भयेको थियो ।
कारागारस्थित नयाँ ब्लकमा गिरि फाउन्डेसनका अध्यक्ष तथा नेपाली कांग्रेसका युवा नेता अभिषेक गिरिको पहल र सम्पूर्ण खर्चमा निर्मित शिव मन्दिरको एक विशेष समारोहबीच उद्घाटन गरिएको छ ।
धार्मिक आस्था र सांस्कृतिक पहिचानको संरक्षण गर्दै कैदीबन्दी तथा सर्वसाधारणलाई धार्मिक अभ्यासको सहज वातावरण उपलब्ध गराउने उद्देश्यले मन्दिर निर्माण गरिएको हो भन्ने जानकारी दिइएको छ ।
नेता गिरिले कारागारभित्र रहेका कैदीबन्दीहरूको मानसिक शान्ति, नैतिक सुधार र सामाजिक चेतना अभिवृद्धिका लागि धार्मिक स्थलको महत्व अपरिहार्य हुने बताए ।
