विराटनगर । विराटनगरको वैजनापुर क्रिकेट मैदानमा जारी अन्तर-स्कुल क्रिकेट प्रतियोगितामा मनकामना स्कुल र नेपाल गुरुकुल स्कुल क्वार्टरफाइनलमा प्रवेश गरेका छन् ।
नेपाल क्रिकेट फाउन्डेसन र मोरङ जिल्ला क्रिकेट संघको सम्युक्त आयोजनामा जारी प्रतियोगिताअन्तर्गत मंगलबार भएको पहिलो खेलमा मनकामना स्कुलले डिएभी स्कुललाई ३९ रनले पराजित गर्यो ।
टस जितेर ब्याटिङ गरेको मनकामनाले १९ दशमलव ३ ओभरमा अलआउट हुँदै एक सय सय ४७ रन बनाएको थियो ।
एक सय ४८ रनको लक्ष्य पछ्याएको डिएभीले १९ दशमलव ५ बलमा सबै विकेट गुमाई ९८ रनमा सीमित भयो ।
दोस्रो खेलमा नेपाल गुरुकुल स्कुलले श्री पञ्चायत स्कुललाई ५८ रनले पराजित गरेको छ ।
टस जितेर ब्याटिङ गरेको नेपाल गुरुकुलले निर्धारित २० ओभरको खेलमा अलआउट हुँदै एक सय दुई रनको योगफल तयार पारेको थियो ।
१ सय ३ रनको विजयी लक्ष्य पाएको श्री पञ्चायत १४ दशमलव २ बलमा सबै विकेट गुमाएर ४४ रनमा सीमित भयो ।
