युवा ब्याटर रोहित पौडेलले शतकीय पारी खेल्दै खेलमा पकड जमाए पनि नेपालले पाहुना टोली पपुवा न्युगिनी (पिएनजी)विरुद्ध ६ रनकाे हार बेहाेरेकाे छ ।
टस हारेर पहिले ब्याटिङको निम्तो पाएको पिएनजीले पूरै ५० ओभर खेलेर दुई सय ९२ रन जोडेको थियो ।
७३ रन बनाउँदा सुरुवाती चार प्रमुख ब्याटर गुमाएको नेपालका लागि रोहित पौडल र आरिफ शेखले शतकीय इनिङ खेल्दै खेल नेपालको पक्षमा ल्याएका थिए ।
पिएनजीका लागि सर्वाधिक ७७ रन चाल्र्स अमिनीले बनाए । चाल्र्सबाहेक कप्तान भालाले पनि ६० रनको अर्धिशतकीय इनिङ खेलेपछि पिएनजीले विशाल योगफल बनाउन सफल भयो ।
पिएनजीका नर्मन भानुआ र जेसन किला नटआउट रहे ।
नेपालका सर्वाधिक विकेट सोमपाल कामी र दिपेन्द्रसिंह ऐरीले समान दुई–दुई विकेट लिए ।
कामी र ऐरीबाहेक कप्तान सन्दिप लामिछाने र पवन सर्राफले एक–एक विकेट लिए ।
नेपालका लागि ओपनर अनिल शाह भानुवाको बलमा क्याच आउट भए । २१ बलको सामना गरेका भानुवाले एक चौकाको मद्दतमा ६ रनमात्रै बनाए ।
आठौं ओभरमा पहिलो विकेट गुमाएको नेपालले दोस्रो विकेटका रुपमा देव खनाललाई शुन्य रनमा पेभिलियनमा पायो ।
खनाललाई क्रिज छाड्न पोकनाको बलिङमा हिरीले सहयोग गरे ।
४५ रन बनाउँदा दुई विकेट गुमाएको नेपालले तेस्रो विकेटका रुपमा भरपर्दा ओपनर कुशल भुर्तेललाई ३२ रनमा गुमायो ।
दशौं ओभरमा भुर्तेललाई भानुवाले बोल्ड आउट गरे । २८ बलको सामना गरेका भुर्तेलले ६ चौकाको मद्दतमा ३२ रनको योगदान गर्दै पेभिलियन फर्किए ।
लगातार तीन प्रमुख ब्याटर गुमाएर धराप बनेको नेपालको इनिङ दिपेन्द्रसिंह ऐरी र रोहित पौडलले सम्हाल्ने प्रयास गरे पनि पिएनजीका बलर बाधक बने ।
नेपालको चौथो विकेटका रुपमा ऐरी अमिनीको बलमा १५ रन बनाएर किलामार्फत क्याच आउट भए ।
क्रिज छाड्नअघि १७ बलको सामना गरेका ऐरीले तीन चौकाको मद्दतमा १५ रन बनाए ।
तर चौथो नम्बरमा ब्याटिङ गर्न आएका रोहितले एक सय २६ रनको सानदार शतकीय इनिङ खेलेपछि नेपालले जवाफी इनिङमा नियन्त्रण लिएको थियो ।
पौडेलबाहेक उनीसँगै क्रिजमा रहेका आरिफ शेखले पनि ३४ रन दिएर पौडेललाई साथ दिएका थिए ।
तर त्यसपछिका भीम सार्की र पवन सर्राफले भने क्रिजमा खासै समय बिताउन सकेनन् ।
१८ बलमा १७ रन बनाएका सार्कीलाई अमिनीले क्याच आउट गराउँदा सर्राफ भालाको बलमा सियाकाबाट क्याच भए ।
त्यसपछि क्रिजमा रहेका सोमपाल कामी र कमलसिंह ऐरीको जोडीले नेपाललाई लक्ष्यमा पुर्याउने प्रयास गरे पनि त्याे असफल रह्याे ।
दुई एकदिवसिय र त्रिकोणत्मक टी२० खेल्न नेपाल भ्रमणमा रहेको पिएनजीले नेपालविरुद्धको दोस्रो एकदिवसिय खेल भोलि (शनिबार) कीर्तिपुर क्रिकेट रङ्गशालामा खेल्नेछ ।
नेपाल, पिएनजी र मलेसिया सम्मिलित त्रिकोणात्मक टी२०आई सिरिज भने २८ मार्चबाट सुरू हुनेछ ।
टी२०आईको पहिलो खेलमा पनि नेपाल र पिएनजीनै सामना हुँदैछन् । २८ मार्चबाट सुरू हुने टी२०आई अप्रिल १ मा सम्पन्न हुनेछ ।
