अहिलेको जमानामा शरीरका विभिन्न अङ्गमा ट्याँटु खोपाउने फेसन नै बनिसकेको छ ।
पछिल्लो समयमा शरीरका देखिने तथा नदेखीने अंगमा ट्याँटु खोप्ने चलन बढेको छ ।
शरीरमा ट्याँटु खोप्दा सियोले बारम्बार घोप्ने हुँदा छाला पोल्नु, सुन्निनु रातो हुनुका साथै दुखाइ हुनुलाई सामान्य मान्न सकिने अमेरिकन एकेडेमी अफ डर्मेटोलोजी नामक जर्नलमा उल्लेख गरिएको छ ।
तर, ध्यान नदिएको खण्डमा ट्याटुले शरीरमा विभिन्न समस्याहरू निम्त्याउने गर्छ ।
ट्याँटु बनाउँदा प्रयोग गरिने रंगहरु रातो, हरियो, पहेँलो र नीला जस्ता विभिन्न रंगले शरीरमा एलर्जी गराउन सक्छ ।
संक्रमित भएको सियो तथा मेसिनले ट्याटु बनाएमा हेपाटाइटिस बी, सी, एड्स तथा क्यान्सरको जोखिम पनि उत्तिकै रहन्छ ।
ट्याटुले शरीरमा रगत तथा रक्तचापसम्बन्धी विभिन्न रोग निम्त्याउन सक्छ ।
ट्याँटुले छालाको प्राकृतिक प्रक्रियालाई उल्लङ्घन गरी छालामा संक्रमण तथा छालासम्बन्धी विभिन्न समस्याहरू उत्पन्न गराउन सक्छ ।
शरीरमा घाउ तथा मुसा भएको स्थानमा ट्याँटु बनाउदा, तथा मसीको प्रयोग गरी ट्याँटु बनाउँदा संक्रमण बढेर ट्याँटुको आसपास घाउ बन्ने, छाला पाक्ने तथा संक्रमण बढेर शरीरभरि फैलन सक्छ ।
ट्याँटु बनाएको एक हप्ता वा महिनौँपछि पनि विभिन्न छालामा समस्या देखिन सक्छ ।
छालामा देखिएको लक्षणप्रति राम्रो ध्यान नदिएमा पछि गएर दुखाइ बढेर जाने, चिलाउने, रातो हुने, फोका आउने, ज्वरो आउने, ट्याँटुबाट पानी वा पीप निस्कने लगायत ठूलो समस्या हुन सक्छ ।
