आइसिसी टी२० विश्वकप ग्लोबल क्वालिफायरको सेमिफाइनलमा युनाइटेड अरब इमिरेट्स (युएई)विरुद्ध खेलिरहेको नेपाले खराब सुरुवात गरेको छ ।
एक सय ७६ रनको मध्यम लक्ष्य पाएको नेपालले जवाफी इनिङको १० ओभरमा चार विकेट गुमाएर मात्र ६६ रन बनाएको छ ।
अल अमेरत क्रिकेट रङ्गशालमा भइरहेको नेपाल र युएईबीचको खेलमा नेपालले टस हार्दै पहिले फिल्डिङको लागि निम्तो पाएको थियो ।
एक सय ७६ रनको विजयी लक्ष्य पछ्याएको नेपालले निकै खराब सुरुवात गरेको थियो । नेपालले पहिलो ओभरमा नै दुई खेलाडीलाई शून्य रनमा गुमाएको थियो ।
नेपालले पहिलो विकेटका रुपमा ओपनर आशिफ शेखलाई गुमाएको थियो । शेखलाई गुमाएको दोस्रो बलमा नै नेपालले अर्का आक्रमक ब्याटर लोकेश बमलाई शून्य रनमा पेभिलियनमा पाएको थियो ।
युएईका लागि दुवै सफलता जुनैद सिद्दिकीले दिलाएका थिए ।
पहिलो ओभरमा तीन रन बनाउँदा दुई विकेट गुमाएको नेपालले तीनै रन अतिरिक्त रनमार्पmत पाएको थियो ।
नेपालले एक लेग बाई र दुई वाइडमार्फत पहिलो ओभरमा तीन रन बनाएको थियो ।
युएईका लागि तेस्रो सफलता पनि जुनैद सिद्दिकीले नै दिलाए ।
उनले ओपनर कुशल भुर्तेललाई विकेटपिकर अरविन्दमार्फत क्याच आउट गराए ।
खेलमा आठ बलको सामना गरेका भुर्तेलले एक चौकाको मद्दतमा नेपाली टोलीलाई सात रनको योगदान दिएका थिए ।
ढलमलिएको नेपालको इनिङलाई दिपेन्द्रसिंह ऐरी र आरिफ शेखले सम्हालेका थिए ।
तर आठौँ ओभरको पहिलो बलमा नै रोहन मुस्ताफाले आरिफ शेखलाई क्रिज छाड्न बाध्य बनाए ।
मुस्ताफाले शेखलाई आफ्ना विकेटकिपर अरविन्दमार्फत क्याच आउट गराए ।
१२ बलको सामना गरेका शेखले एक चौकाको मद्दतमा ११ रन बनाएका थिए ।
यतिबेला नेपालको इनिङ दिपेन्द्रसिंह ऐरी र ज्ञानेन्द्र मल्लले सम्हालिरहेका छन् ।
२० ओभर पूरै खेलेको युएईले सात विकेटको क्षतिमा एक सय ७५ रन बनाएको बनाएको थियो ।
आजको खेल जित्ने राष्ट्रले अस्ट्रेलियामा अक्टोबरदेखि सुरु हुने टी२० विश्वकपमा स्थान पक्का गर्नेछ ।
