सामान्य योगफल पछ्याउँदै नेपालविरुद्ध जवाफी ब्याटिङ सुरु गरेको ओमानले सुरुवाती झट्का बेहोरेको छ ।
आईसिसी टी२० विश्वकप ग्लोबल क्वालिफायरको आफ्नो पहिलो खेल नेपालविरुद्ध खेलिरहेको ओमानले आफ्ना दुई ब्याटरलाई सस्तैमा गुमाए पछि केही दबाबमा देखिएको छ ।
खेलको पहिलो ओभरको तेस्रो बलमा कश्यप प्रजापतीलाई शुन्य रनमा गुमाएको ओमानले दोस्रो विकेटका रुपमा आयान खानलाई पेभिलियनमा पाएको थियो ।
दोस्रो ओभरको पाँचौँ बलमा खान क्याच आउट भएका थिए ।
नेपालका लागि पहिलो विकेट कमलसिंह ऐरीले लिएका हुन् । उनले प्रजापतीलाई दिपेन्द्रसिंहमार्फत क्याच आउट गराएका थिए ।
नेपालले दोस्रो सफलता पनि क्याच आउटकै रुपमा पाएको थियो ।
तीव्र गतिका बलर जितेन्द्र मुखियाले खानलाई आशिफ शेखमार्फत क्याच गराएका थिए ।
ओमानको तेस्रो विकेटका रुपमा आक्रमक ब्याटर जतिन्द्र सिंह पेभिलियन फर्किएका थिए । उनलाई दिपेन्द्रसिंह ऐरीले छैटौँ ओभरमा रन आउट गरेका थिए ।
सिंह १८ बलमा नौ रन बनाएर पेभिलियन फर्किएका थिए ।
नेपालका लागि चौथो सफलता कप्तान सन्दिप लामिछानेले दिलाए ।
उनले खवार अलिलाई बोल्ड आउट गरे । सातौँ ओभरको चौथो बललाई अलिलाई लामिछानेले सात रनमा आउट गरेपछि ओमानको इनिङ धराशायी बनेको थियो ।
नेपालका लागि पाँचौँ सफलता दिपेन्द्रसिंह ऐरीले दिलाए ।
ऐरीले ओमानका कप्तान जिसन मक्सुदलाई कुशल भुर्तेलमार्फत क्याच आउट गराए ।
कप्तान मक्सुद आठौँ ओभरमा आउट हुनुअघि आठ बलको सामना गर्दै मात्र दुई रन बनाएका थिए
शोहेव खानको विकेट लिँदै अविनाश बोहराले नेपाललाई छैटौँ सफलता दिलाए ।
उनले नवौं ओभरको पाँचौ बलमा खानलाई एक रनमा आउट गराए ।
टस हारेर पहिले ब्याटिङ गरेको नेपालले पूरै २० ओभर खेलेर एक सय १७ रन बनाएको थियो ।
ओमानजस्तै खराब सुरुवात गरेको नेपालको इनिङ्स आरिफ शेखले सम्हालेका थिए ।
शेखलले नेपालका लागि सर्वाधिक ३८ रन जोडे ।
आफ्ना ६ खेलाडी गुमाएपछि अत्तालिएको ओमानका लागि यतिबेला कप्तान नशिम खुशी र आमिर कलिमले क्रिज सम्हालिरहेका छन् ।
