भारतीय लिजेन्ड अभिनेता रजनीकान्तका छोरी-ज्वाइँ धनुष र ऐश्वर्या रजनीकान्तले डिभोर्स गरेका छन् ।
साेमबार राति सामाजिक सञ्जालमार्फत साउथ सुपरस्टार धनुष र ऐश्वर्याले आफूहरूले अलग्गिने निर्णय बनाएको जनाएका छन् ।
धनुष र ऐश्वर्याले सन् २००४ मा तमिल रीतिरिवाजअनुसार विवाह गरेका थिए । हाल उनीहरूका दुई छोरा छन्, एकको नाम यात्रा राजा र अर्कोको नाम लिङ्गा राजा हो ।
दुवैको विवाहको १८ वर्ष पुगेको छ । दुवैले आफ्ना फ्यानहरूलाई अलग्गिने निर्णय सुनाउँदै आफूहरुको गोपनियताको सम्मान गर्न आग्रह गरेका छन् ।
‘हामी १८ वर्ष सँगै रह्यौँ । यो समय हामी साथी, आमाबाबु, जोडी र एकअर्काको साथी बनेर बस्यौँ । यो यात्रामा हामीले अगाडि बढ्नका लागि एकअर्कालाई सम्झियौँ र धेरै कुरा भयो । आज हाम्रो बाटो अलग्गिँदैछ । म र ऐश्वर्या एक जोडीका रूपमा अलग हुँदैछौँ । हामी अहिले हरेक विषयलाई अलग–अलग किसिमले सम्झिने कोसिस गरिरहेका छौंँ । कृपया हाम्रो यो निर्णयको सम्मान गर्नुहोला र गोपनियताको अवसर दिनुहोला’, धनुषले लेखेका छन् ।
