फ्रान्सेली लिग वानमा पेरिस सेन्ट जर्मेन (पिएसजी) सम्भावित हारबाट जोगिएको छ । आइतबार राति भएको खेलमा पिएसजीले लियोनसँग १–१ गोलको बराबरी खेलेको हो ।
लियोनको मैदानमा पिएसजीले एक गोलको अग्रता उल्टाउँदै बराबरी खेलेको हो । खेलको सातौँ मिनेटमा लुकास पाक्युटाले गोल गर्दै लियोनलाई सुरुआती अग्रता दिलाएका थिए ।
७६औँ मिनेटमा थिलो केहररले गोल गरेपछि पिएसजी सम्भावित हारबाट जोगिएको हो । लियोनल मेस्सी, नेयमार र एन्जल डी मारियाबिनै पिएसजी मैदान उत्रिएको थियो ।
यस बराबरीसँगै शीर्ष स्थानको पिएसजीले २० खेलमा ४७ अङ्क जोडेको छ । ऊ दोस्रो स्थानको नाइसभन्दा ११ अङ्कले अगाडि छ । लियोन भने २५ अङ्कका साथ ११औँ स्थानमा छ । उसले १९ खेल खेलेको छ ।
