रियल मड्रिड कोपा डेल रेको अन्तिम १६ मा प्रवेश गरेको छ । बुधबार राति भएको अन्तिम ३२ को खेलमा दोस्रो श्रेणीको एल्कोयानोलाई ३–१ ले पराजित गर्दै रियलले प्रि-क्वार्टरफाइनलमा स्थान पक्का गरेको हो ।
एल्कोयानोको मैदानमा भएको खेलमा रियलको जितमा इडर मिलिसाओ र मार्काे एसेन्सियोले गोल गर्दा एक गोल उपहार पाएको थियो । घरेलु टोलीका ड्यानी भेगाले एक गोल फर्काए ।
खेलको ३९औं मिनेटमा मिलिसाओले गोल गर्दै रियललाई पहिलो हाफमा १-० को अग्रता दिलाए । दोस्रो हाफमा थप आक्रमक बनेको रियलले २ गोल थप्दा अल्कोयानोले १ गोल गर्यो ।
खेलको ६६औं मिनेटमा एल्कोयानोका लागि भेगाले गोल गर्दै खेललाई १-१ को बराबरीमा ल्याए ।
तर खेलको ७६ औँ मिनेटमा एसेन्सिओले गोल गर्दै रियललाई पुनः अग्रता दिलाए । ७८औं मिनेटमा एल्कोयानोका फिगुएरासले आत्मघाती गोल गरेपछि घरेलु टोली ३-१ ले पछि पर्यो ।
