काठमाडौं- राठी केबलले आफ्नो विशेष उत्पादन राठी फायर-एक्स जेडएचएफआर तारको अग्नि प्रतिरोधी विशेषता प्रत्यक्ष परीक्षणमार्फत प्रदर्शन गरेको छ। कम्पनीले काठमाडौंमा इलेक्ट्रिसियनहरूसँग भेटघाट तथा अन्तरक्रिया कार्यक्रम आयोजना गरी उक्त तारको अग्नि प्रतिरोधी क्षमता जाँच गरेको हो।
कार्यक्रममा इलेक्ट्रिसियनहरूलाई तारमा लाइटर बालेर परीक्षण गर्न लगाइएको थियो। लाइटरको ज्वालाले समेत तारमा आगो नलागेपछि यो तारको अग्नि प्रतिरोधी क्षमता उच्च भएको पुष्टि भएको छ।
प्रत्यक्ष परीक्षणले इलेक्ट्रिसियनहरूलाई तारको विशेषता र यसको प्रयोगबाट प्राप्त हुन सक्ने सुरक्षा लाभबारे नजिकबाट बुझ्ने अवसर दिएको कम्पनीले जनाएको छ।
राठी फायर-एक्स जेडएचएफआर केबल शून्य ह्यालोजनयुक्त सामग्रीबाट निर्मित विशेष प्रकारको सुरक्षा तार हो। कम्पनीका अनुसार आगलागीको अवस्थामा यसले धुवाँको उत्पादन कम गर्न तथा हानिकारक ह्यालोजनयुक्त ग्यासको उत्सर्जन घटाउन सहयोग गर्छ।
आगलागीका बेला धुवाँ र हानिकारक ग्यासबाट उत्पन्न हुन सक्ने जोखिम न्यूनीकरणमा सहयोग पुर्याउने विशेषताका कारण यस प्रकारको तार घर, व्यावसायिक भवन तथा अन्य संरचनामा विद्युतीय सुरक्षाका लागि उपयोगी हुने कम्पनीको भनाइ छ।
