काठमाडौं – पेरिस सेन्ट जर्मेन (पीएसजी) ले लिभरपुल लाई २–० ले पराजित गर्दै युरोपियन च्याम्पियन्स लिग क्वार्टरफाइनलको पहिलो लेगमा बलियो अग्रता बनाएको छ।
घरेलु मैदानमा भएको खेलमा पीएसजीले सुरुवातदेखि नै आक्रामक खेल प्रस्तुत गरेको थियो। खेलको ११औं मिनेटमा डिजायर डो को प्रहार डिफ्लेक्सन हुँदै गोलमा परिणत भएपछि घरेलु टोलीले अग्रता लिएको हो।
लिभरपुल खेलभर प्रभाव जमाउन असफल रह्यो र लक्ष्यतर्फ एक पनि प्रभावकारी प्रहार गर्न सकेन। ६५औं मिनेटमा भिचा भरतस्खेलिया ले उत्कृष्ट व्यक्तिगत प्रयासमा गोल गर्दै पीएसजीको अग्रता दोब्बर बनाए।
अब दोस्रो लेगमा लिभरपुलले कम्तीमा दुई गोलको अन्तरले जित निकाल्नुपर्ने दबाबमा परेको छ।
