विराटनगर । नेपाल क्रिकेट फाउण्डेशन को आयोजनामा पहिलो पटक सम्पन्न ‘अनिल–मीन’ ट्रफी क्रिकेट प्रतियोगितामा सुनसरी विजयी भएको छ।
विराटनगरस्थित मेरिलेबन ज्वाला क्रिकेट मैदानमा शुक्रबार भएको दोस्रो खेलमा सुनसरीले मोरङलाई २१ रनले पराजित गर्दै सिरिज १–१ को बराबरीमा ल्याएको हो। अब निर्णायक खेल शनिबार हुने आयोजकले जनाएको छ।
टस जितेर ब्याटिङ गरेको सुनसरी ३४.४ ओभरमा सबै विकेट गुमाउँदै १०२ रनमा समेटिएको थियो। सुनसरीका आशिष मण्डलले २५ रन बनाउँदा रोशन घिमिरेले १६, अफान ताहिरले १३ र आकाश सर्राफले १० रन जोडे। मोरङका कृष शर्माले उत्कृष्ट बलिङ गर्दै ५ विकेट लिए भने कृतिक कामतले ३ तथा महबुव इराकी र अमर यादवले १–१ विकेट लिए।
१०३ रनको सामान्य लक्ष्य पछ्याएको मोरङ २३.२ ओभरमा ८१ रनमै अलआउट भयो। मोरङका अटल साहले अविजित २२ रन बनाउँदा आइन्सटाइन रिजालले १३ रन योगदान दिए।
सुनसरीका कविराज खत्रीले ५ विकेट लिँदै ‘प्लेयर अफ द म्याच’ बने भने रविन मण्डलले ३ विकेट लिए।
‘वेष्ट अफ थ्री’ आधारमा भइरहेको ५० ओभरको यो सिरिजको विजेता अब अन्तिम खेलबाट टुंगो लाग्नेछ।
