काठमाडौं । स्पेनिस ला लिगा फुटबलमा शीर्षस्थानमा रहेको बार्सिलोनाले एल्चेलाई पराजित गर्दै आफ्नो अग्रता थप मजबुत बनाएको छ।
एल्चेको घरेलु मैदानमा गएराति भएको खेलमा बार्सिलोना ३–१ ले विजयी भयो। बार्सिलोनाको जितमा लामिन यमाल, फेरान टोरेस र मार्कस रासफोर्डले एक–एक गोल गरे। एल्चेका अल्भारो रोड्रिगेजले एकमात्र गोल फर्काए।
खेलको छैटौं मिनेटमै यमालले गोल गर्दै बार्सिलोनालाई अग्रता दिलाए। तर २९औं मिनेटमा अल्भारोले गोल गर्दै एल्चेलाई खेलमा फर्काए। पहिलो हाफको अन्त्यतिर ४०औं मिनेटमा टोरेसले गोल गरेपछि बार्सिलोना २–१ ले अघि रह्यो।
दोस्रो हाफको ७२औं मिनेटमा रासफोर्डले तेस्रो गोल गर्दै बार्सिलोनाको जित सुनिश्चित गरे। त्यसपछि दुवै टोलीबाट थप गोल हुन सकेन।
यो जितसँगै बार्सिलोनाले २२ खेलबाट ५५ अंक जोडेको छ। एक खेल कम खेलेको दोस्रो स्थानको रियल मड्रिडको ५१ अंक छ। एल्चे २४ अंकसहित १२औं स्थानमा रहेको छ।
