कोशी प्रदेशकै उत्कृष्ट शैक्षिक गन्तव्यका रूपमा रहेको एभरेस्ट सेकेन्डरी स्कुलले धुमधामका साथ वैदिक विधिद्वारा सरस्वती पूजा गरिएको छ ।
विराटनगर महानगरपालिका– ५ मा अवस्थित एभरेस्ट स्कुलका मोन्टेसरी, सेकेन्डरी र कलेजका ब्लक परिसरमा छुट्टाछुट्टै मूर्ति स्थापना गरी वैदिक विधिद्वारा सरस्वतीको पूजा गरिएको हो । हाम्रा धर्म र संस्कृति सबैको साझा सम्पत्ति रहेको भन्दै विद्यालयका प्राचार्य टिकाराम पुरीले विद्यादात्री सरस्वतीको पूजा आराधना गर्दा विद्यार्थीहरूमा पनि छुट्टै ऊर्जा मिल्ने बताए ।
यस्ता पर्वहरूले धैर्यता, एकाग्रता र ऊर्जा समेत प्रदान गर्ने भन्दै उनले विद्यालयमा हरेक दिन सरस्वती वन्दना समेत गराउँदै आएको स्मरण गरे । बिहानै विद्यालय पुगेका विद्यार्थीहरूले पण्डितजीले वाचन गरेका सरस्वती स्तोत्रमा प्रार्थना गर्दै पूजा गरेका छन् ।
सरस्वती पूजाका लागि विद्यार्थीसहित अभिभावकहरूको समेत सहभागिता थियो भने शिक्षक कर्मचारीहरूको समेत उपस्थिति थियो । विद्यालयका प्राचार्य पुरी र अध्यक्ष विनोद ढकालले मोन्टेसरी ब्लकमा पूजा गरेपछि आरम्भ भएको सरस्वती पूजा माध्यमिक तह र कलेज परिसरमा भने विद्यार्थीहरूले आफैं पूजा गरेका थिए ।
