विराटनगर । सुनसरी इटहरीकी १२ वर्षीया कञ्चन रिमालले ‘तेह्रथुमकी रानी’ बोलको म्युजिक भिडिओ सार्वजनिक गरेकी छन् ।
उदयीमान बाल कलाकार कञ्चनले आफ्नै युटुब च्यानल ‘कञ्चन रिमाल नुनुजु’ मार्फत् उक्त म्युजिक भिडिओ सार्वजनिक गरेकी हुन् ।
कञ्चनले आफ्नै आवाजमा रहेको गीतमा आफैं अभिनयसमेत गरेकी छन् । उनको यो पहिलो गीत पनि हो ।
यसै गीतमार्फत् कञ्चनले सांगीतिक क्षेत्रमा पाइला चालेकी हुन् ।
‘सानैदेखिको रुचि रहेका कारण यो क्षेत्रमा रमाउन चाहेकी हुँ,’ कञ्चन भन्छिन्, ‘दर्शकले मेरो सांगीतिक कोसेलीलाई मन पराइदिनुहुनेछ र मलाई हौसला प्रदान गरिदिनुहुन्छ भन्ने आशा लिएकी छु ।’
उक्त म्युजिक भिडिओ गुराँसको राजधानी तीनजुरे क्षेत्रसहित तेह्रथुमको विभिन्न भाग र पूर्व क्षेत्रमा छायाँकन गरिएको छ ।
तेह्रथुम जिल्लाको इतिहासमा पहिलोपटक १२ वर्षीया बाल कलाकारले तेह्रथुमसँग सम्बन्धित गीत र म्युजिक भिडिओ सार्वजनिक भएको हो ।
गीतमा कुन्दन राईको संगीत, गायत्री लम्सालको शब्द-रचना रहेको छ ।
