विराटनगर । स्टार खेलाडीत्रय नेयमार जुनियर, रिचार्लिसन र कासेमिरोलाई बाहिर राख्दै ब्राजिलले कोपा अमेरिका फुटबलका लागि टोलीबाट घोषणा गरेको छ ।
ब्राजिलका प्रशिक्षक डरिभाल जुनियरले घोषणा गरेको टोलीमा उनीहरूलाई समेटिएको छैन । बरु, युवा स्ट्राइकर एन्ड्रिकलाई समावेश गरिएको छ ।
रियल मड्रिडमा आबद्ध हुन लागेका १७ वर्षीय एन्ड्रिकले वेम्बली स्टेडियममा इङ्ग्ल्यान्डमाथि १–० को जित र मार्चमा सान्टियागो बर्नाबेउ रंगशालामा स्पेनविरुद्ध २–२ को बराबरी खेल्दा ब्राजिलका लागि गोल गरेका थिए ।
साउदी क्लब अल–हिलालबाट खेल्दै आएका नेयमार जुन र जुलाईमा अमेरिकामा हुने प्रतियोगिताबाट बाहिरिने अनुमान गरिएको थियो ।
आगामी जुन २० बाट अमेरिकामा ४८औं संस्करणको कोपा अमेरिका सुरु हुँदै छ । तर, त्यसअघि ब्राजिलले अमेरिका र मेक्सिकोसँग मैत्रीपूर्ण खेल खेल्ने छ ।
कोपा अमेरिकामा ब्राजिल समूह ‘डी’ मा रहेको छ । यो समूहमा ब्राजिलसँगै कोस्टारिका, कोलम्बिया र पाराग्वे छन् ।
ब्राजिल टोली:
गोलकिपर: एलिसन (लिभरपुल), एडर्सन (म्यानचेस्टर सिटी) र बेन्टो (एथ्लेटिको पारानेन्स)
डिफेन्डरः डानिलो (युभेन्ट्स), यान काउटो (जिरोना), गुइल्हेमे अराना (एट्लेटिको मिनिरो), वेन्डेल (पोर्टो), बेराल्डो (पेरिस सेन्ट जर्मेन), मार्क्विनहोस (पेरिस सेन्ट जर्मेन), एडर मिलिटाओ (रियल मड्रिड) र ग्याब्रियल म्यागाल्हेस (आर्सनल)
मिडफिल्डरः एन्ड्रियास परेरा (फुलह्याम), ब्रुनो गुइमारेस (न्यूक्यासल), डगलस लुइज (एस्टन भिल्ला), जोआओ गोम्स (वुल्भरह्याम्पटन) र लुकास पाक्वेटा (वेस्टह्याम)
फरवार्डः एन्ड्रिक (पाल्मेरास), इभानिलसन (पोर्टो), ग्याब्रियल मार्टिनेली (आर्सनल), राफिन्हा (बार्सिलोना), साभिनो (जिरोना), रोड्रिगो (रियल मड्रिड) र भिनिसियस जुनिअर (रियल मड्रिड)
