विराटनगर । टिभिएस मोटर नेपालको एकमात्र आधिकारिक बिक्रेता जगदम्बा मोटर्सले टिभिएस अपाचेको नयाँ मोडल आरटिआर १६०-टू भी रिफ्रेस सार्वजनिक गरेको छ ।
आज विराटनगरमा एक कार्यक्रमको आयोजना गरी जगदम्बा मोटर्सले टिभिएसको नयाँ मोडलको मोटरसाइकल सार्वजनिक गरेको हो ।
टिभिएस अपाचेको नयाँ मोडल आरटिआर १६०–टू भी रिफ्रेसमा कम्पनीले विभिन्न फिचरहरू थप गरी नेपाली बजारमा ल्याएको हो ।
टिभिएस अपाचेको नयाँ मोडल आरटीआर १६०–टू भी रिफ्रेसमा १६० सिसी आरटिआर इन्जिन रहेको कम्पनीले जनाएको छ ।
जसले सेग्मेन्टकै उच्चतम १४ दशमलव ४ पिएस पावर र १३ एनएस टर्क जेनेरेट गर्छ ।
टिभिएस स्मार्टकनेक्ट, जसको सहायताले राइडरहरूले सजिलै कल तथा टेक्स नोटिफिकेसन, क्र्यास अलर्ट जस्ता सुबिधा प्रदान गर्दछ ।
त्यसबाहेक रेस इन्स्पायर्ड डिजिटल डिस्प्ले, आकर्याक एलइडी हेडल्याप र सिग्नेचर एलइडी टेल ल्याम्सबाट सुसज्जित रहेको कम्पनीले जनाएको छ ।
टिभिएस अपाचेको नयाँ मोडल आरटीआर १६०–टू भी रिफ्रेसको बजार मूल्य तीन लाख पाँच हजार नौ सय रहेको छ ।
यसअघि टिभिएसले नेपाली बजारमा टिभिएस रोनिन, अपाचे, एन्टर्क, रेडर, आइक्युब जस्ता उत्कृष्ट मोटरसाइकल तथा स्कुटरहरू नेपाली बजारमा उपलब्ध गराइसकेको छ ।
टिभिएस मोटरसाइकल र स्कुटरमा एड्भान्स फिचरहरू राख्दै प्रयोगकर्ताहरूमाँझ निकै ठुलो प्रभाव पार्न सफल बनेको छ ।
जगदम्बा मोटर्स प्रालि नेपालमा टिभिएसका दुईपांग्रे सवारी साधनको एकमात्र आधिकारिक वितरक हो ।
यसको देशभर एक सय ४० भन्दा बढी डिलर छन् ।
गुणस्तरीय उत्पादन, नवीन टेक्नोलोजीको प्रयोग र बिक्रीपश्चातको उत्कृष्ट सेवा तथा देशभर जगेडा पार्टपूर्जाहरूको उपलब्धताका कारण नै टिभिएस आज नेपालको सर्वाधिक रुचाएको टु-ह्विलर ब्रान्ड रहेको केशरीचन्द भवलाल विराटनगरका मेनेजर गोविन्द पोखरेलले बताए ।
