विराटनगर । म्युजिक भिडिओका माध्यमबाट सामाजिक विषयवस्तु पस्किन माहिर मानिन्छन्, बोकेदारी अर्थात् श्रीकृष्ण लुइँटेल ।
गीतकार, संगीतकार, गायक, कलाकारलगायत थुप्रै कर्मबाट चर्चित बोकेदारी पछिल्लोपटक ‘गाह्रो छ हौ मलाई…’ लिएर सांगीतिक बजारमाझ उपस्थित भएका छन् ।
हसाउँदै समाजको वास्तविक यथार्थता चित्रण गर्नमा खप्पिस बोकेदारीको उक्त गीत यतिबेला चर्चामा छ ।
गीतमा युवाजमात जति विदेशमा,गाउँघरमा वृद्धा र बालबालिका मात्र हुँदा मर्दा-पर्दा आइपर्ने आपतको समस्या समाधानमा स्वदेशमा रहेका युवाले निभाउनुपर्ने जिम्मेवारीलाई प्रस्तुत गरिएको छ ।
गीतमा गायक श्रीकृष्ण लुइँटेललाई गायिका मनिषा पोखरेलले गायनमा साथ दिएकी छन् । गायक लुइँटेलकै शब्द संगीत रहेको छ भने भिडिओमा मिलन सुवेदी ‘बाटाघरे’को निर्देशन रहेको छ ।
भिडियोमा श्रीकृष्ण लुइटेल, मिलन सुवेदी, अनिषा न्यौपाने, कृष्ण सुवेदी, मनोज पोखरेल, तीर्थ पोखरेल, गोपाल दर्जी, जमुना भडारी सञ्जेल, रेणु गौतम, शुभद्रा थापा, निर्मला आस्नेत, प्रमिला थापा, कोपिला खड्का, अम्बिका भण्डारी, देवराज सुवेदी, रमेश पोखरेल, बुद्धिमान भुजेलको जीवन्त अभिनय छ ।
भिडिओ सुमन तामाङले खिचेका हुन् भने सम्पादन हिमाल तामाङको रहेको छ ।
