विराटनगर । इन्टर मियामीले अमेरिकी मेजर सकर लिग (एमएलएस) मा फराकिलो जित निकालेको छ ।
आइतबार बिहान भएको खेलमा कप्तान लियोनल मेस्सी र उनका समकालीन लुइस स्वारेज नायक बन्दा मियामीले ओर्लान्डो सिटीलाई ५-० गोलले हराएको हो ।
घरेलु मैदानमा भएको खेलमा मेस्सी र स्वारेज दुवैले समान दुई-दुई गोल गरे भने रोबर्ट टेलरले एक गोल गरे ।
यो जितसँगै मियामी लिगको पहिलो स्थानमा उक्लँदा सिटी १२औं स्थानमा रहेको छ । मियामीले तीन खेलमा सात अंक बटुलेको छ ।
