विराटनगर । क्यासेमिरोले अन्तिम समयमा गरेको निर्णायक गोलको सहायतामा इंग्लिस क्लब म्यानचेस्टर युनाइटेड एफए कपको क्वार्टरफाइनलमा प्रवेश गरेको छ ।
बुधबार राति भएको पाँचौं चरणको खेलमा नटम फोरेस्टलाई उसैको मैदानमा १-० गोलले हराएको युनाइटेड क्वार्टरफाइनलमा प्रवेश गरेको हो ।
खेलको ८९औं मिनेटमा क्यासेमिरोले ब्रुनो फर्नान्डेजको पासमा गोल गर्दै युनाइटेडलाई जित दिलाएका थिए ।
अब, उसले क्वार्टरफाइनलमा लिभरपुलको सामना गर्ने छ । लिभरपुल गएराति नै भएको अर्को खेला साउथह्याम्पटनलाई ३-० गोलले हराउँदै अन्तिम आठमा प्रवेश गरेको हो ।
गएराति नै भएको अर्को खेलमा चेल्सीले लिड्स युनाइटेडलाई ३-२ गोलले हरायो भने अर्को खेलमा वुल्भ्सले ब्राइटनलाई १-० गोलले हराउँदै क्वार्टरफाइनलमा स्थान पक्का गर्यो ।
