काठमाडौं । गायक युवराज चौलागाईं र गायिका अनुष्का पाठकको आवाज रहेको ‘मेरो मन’ बोलको म्युजिक भिडिओ सार्वजनिक भएको छ ।
शुक्रबार दिउँसो क्रिपा टिभीको युट्युब च्यानलमार्फत् उक्त म्युजिक भिडिओ सार्वजनिक भएको हो । बेबी गुरुङ ‘निश्चल’ को शब्द रचना रहेको सो गीत राजकुमार बगरले कम्पोज गरेका हुन् ।
त्रिवेणी डिजिटल स्टुडियोमा रेकर्ड गरिएको सो गीतको भिडिओमा नवीन र ऋचाको अभिनय रहेको छ । कृष्ण भट्टराईको निर्माणमा बनेको भिडिओलाई सुरेश महर्जनले निर्देशन गरेका हुन् ।
भिडिओमा अनिल कटवालको एरियल सिनेमाटोग्राफी र दिनेश मुस्कानको सिनेमाटोग्राफी छ । श्याम कुँवरको कलर संयोजन रहेको भिडिओलाई तारा थापा ‘किम्भे’ले सम्पादन गरेका हुन् ।
