काठमाडौं । दिनेश राउतको निर्देशनमा निर्माण हुने चलचित्र ‘पूजार सार्की’ मा दुई जना नायिकाको प्रवेश भएको छ ।
चलचित्रको नायिकाका रूपमा अञ्जना बराइली र परीक्षा लिम्बू अनुबन्धित भएका हुन् ।
दुई हप्ताअघि निर्माण समूहले अभिनेतृका लागि अडिसन आह्वान गरेको थियो । अडिसनबाटै अञ्जना र परीक्षा अनुबन्धित भएको निर्माण टिमले जनाएको छ ।
चलचित्रमा यसअघि नै अभिनेतात्रय आर्यन सिग्देल, प्रदीप खड्का र पल शाह भित्रिसकेका छन् ।
पहिलो पटक आर्यन, प्रदीप र पलले एकसाथ फिल्ममा काम गर्न लागेका हुन् ।
आगामी माघको पहिलो साताबाट पश्चिम नेपालमा छायाङ्कन गर्न लागिएको चलचित्रमा विकास सुवेदीको लेखन रहेको छ ।
किङ्गडम नेटवर्कको प्रस्तुति रहने चलचित्रको वितरणको जिम्मा आरआर फिल्मस (रोहित–रत्न) ले लिएको छ ।
