कोरियन पप ब्यान्ड बिटिएसले कतार विश्वकप २०२२ का लागि गीत गाउने भएको छ ।
दक्षिण कोरियाको बहुराष्ट्रिय अटोमोबाइल कम्पनी हुन्डाईले आयाेजना गर्ने विश्वव्यापी अभियानमा बिटिएसले गीत गाउन लागेको हो ।
हुन्डाई फिफा फुटबल विश्वकपको विश्वव्यापी उत्सवको आधिकारिक प्रायोजक हो । आधिकारिक प्रायोजक हुन्डाईले आयोजना गर्ने भएको ‘गोल अफ द सेन्चुरी’ अभियानमा बिटिएसले गीतसहित सहभागीता जनाउने भएको छ ।
हुन्डाईको ग्लोबल एम्बेसडर रहेको बिटिएससँगै ‘गोल अफ द सेन्चुरी’ अभियानमा फुटबल आइकन स्टिभ जेरार्ड, कोरियाका पूर्व राष्ट्रिय फुटबल टोलीका कप्तान पार्क जिसुङ, युनेस्कोका राजदूत नादिया नादिम, चर्चित फेसन डिजाइनर जेरेमी स्कट र प्रख्यात मूर्तिकार लोरेन्जो क्विन लगायतको सहभागिता रहनेछ ।
फिफा विश्वकप २०२२ यसै वर्षको नोभेम्बरदेखि डिसेम्बरसम्म आयोजना हुँदैछ ।
