लगातार तीन ओभरमा आफ्ना प्रमुख चार ब्याटर गुमाएपछि दुई सय ९३ रनको विशाल लक्ष्य पाएको नेपालको ब्याटिङ धराशायी बनेको छ ।
दुई एकदिवसिय र त्रिकोणात्मक टी२०आई खेल्न नेपाल आएको पपुवा न्युगिनी (पिएनजी)ले पहिले ब्याटिङ गर्दै ५० ओभरको क्षतिमा आठ विकेट गुमाएर दुई सय ९२ रन बनाएको थियो ।
नेपालका लागि ओपनर अनिल शाह भानुवाको बलमा क्याच आउट भए । २१ बलको सामना गरेका भानुवाले एक चौकाको मद्दतमा ६ रनमात्रै बनाए ।
आठौं ओभरमा पहिलो विकेट गुमाएको नेपालले दोस्रो विकेटका रुपमा देव खनाललाई शुन्य रनमा पेभिलियनमा पायो ।
खनाललाई क्रिज छाड्न पोकनाको बलिङमा हिरीले सहयोग गरे ।
४५ रन बनाउँदा दुई विकेट गुमाएको नेपालले तेस्रो विकेटका रुपमा भरपर्दा ओपनर कुशल भुर्तेललाई ३२ रनमा गुमायो ।
दशौं ओभरमा भुर्तेललाई भानुवाले बोल्ड आउट गरे । २८ बलको सामना गरेका भुर्तेलले ६ चौकाको मद्दतमा ३२ रनको योगदान गर्दै पेभिलियन फर्किए ।
लगातार तीन प्रमुख ब्याटर गुमाएर धराप बनेको नेपालको इनिङ दिपेन्द्रसिंह ऐरी र रोहित पौडलले सम्हाल्ने प्रयास गरे पनि पिएनजीका बलर बाधक बने ।
नेपालको चौथो विकेटका रुपमा ऐरी अमिनीको बलमा १५ रन बनाएर किलामार्फत क्याच आउट भए ।
क्रिज छाड्नअघि १७ बलको सामना गरेका ऐरीले तीन चौकाको मद्दतमा १५ रन बनाए ।
७३ रन बनाउँदा चार विकेट गुमाएको नेपालको इनिङ यतिबेला रोहित पौडेल र आरिफ शेखले सम्हालिरहेका छन् ।
