थाइल्यान्डविरुद्धको पहिलो हाफमा नेपालले गोलरहित बराबरी खेलेको छ ।
थाइल्यान्ड भ्रमणमा गएको नेपाली राष्ट्रिय फुटबल टोलीले भ्रमणको पहिलो खेलमा आज चोनबुरी रङ्गशालामा थाइल्यान्ड राष्ट्रिय फुटबल टोलीको सामना गरिरहेको छ ।
फिफा विश्व वरियताको एक सय १२औं स्थानमा रहेको थाइल्यान्डले नेपालको पोस्टमा लगातार आक्रमण गरिरहेको छ ।
यता नेपालले भने काउन्टर मुभमा केही अट्याक गर्नुबाहेक थाइल्यान्डको पोस्टमा खासै प्रहार गर्न सकिरहेको छैन ।
थाइल्यान्डभन्दा ५५ स्थान तल रहेको नेपाल पछिल्लो फुटबल विश्व वरियतामा एक सय ६७औं स्थानमा छ ।
थाइल्यान्डले खेलको दोस्रो मिनेटमा नै नेपालको पोस्टमा धावा बोलेको थियो ।
चौथो मिनेटमा नेपाली खेलाडीलाई थाइल्यान्डले फाउल गरेपछि नेपालले मध्य भाग नजिकैबाट फ्रकिक पाएको थियो ।
एरिक विष्टले प्रहार गरेको उक्त फ्रिकिकलाई नेपालले सदुपयोग गर्न सकेन ।
पाँचौँ मिनेटमा थाइल्यान्डले गरेको प्रहार नेपाली टोलीका कप्तान एवम् गोलरक्षक चेम्जोङले रोके ।
१०औं मिनेटमा थाइल्यान्ड पुनः प्रयास गर्याे । तर उसको प्रयास विफल रह्यो ।
११औं मिनेटमा राइट फ्लाङ्कबाट गरिएको प्रयासमा दिनेश राजवंशी बाधक बने ।
१४औं मिनेटमा वोराचितको प्रहार किरणले मुस्किलले बचाए ।
तर सोही मिनेटमा तेज तामाङ्गले आदिसाकलाई लडाएपछि नेपालको पेनाल्टी क्षेत्र नजिकै थाइल्यान्डले फ्रिकिक पायो ।
तर त्रिस्तान डोले हानेको प्रहार आकाशतिर हुँइकिएको थियो ।
१९औं मिनेटमा दर्शन गुरूङले पेनाल्टी क्षेत्रभित्र मौका भए पनि उनले गरेको हेडरले आकाशको िदशा लिएको थियो ।
२३औं मिनेटमा कप्तान चेम्जोङले फ्लाइङ सेभ गरे ।
२६औं मिनेटमा पाथोमफोनको प्रहार आकाशिँदा थाइल्यान्डले अग्रता लिने मौका गुमायो ।
३२औं मिनेटमा १६ चुकेका थिए ।
अतिरिक्त समयमको ४६औं मिनेटमा थानाबुन केसारातले प्रयास गरे पनि आकाशिएको थियो ।
यसअघिका दुई भेटमा नेपालमाथि थाइल्यान्डले जित निकालेकाले नेपाल आजकाे खेलमा जित दर्ता गर्दै हेड टु हेडमा सुधार गर्न चाहन्छ ।
एएफसी एसियन कप छनोट अन्तर्गत तेस्रो चरणको खेल अघि नेपालले फिफा वरीयतामा आफूभन्दा माथि रहेको थाइल्यान्डसँग खेलेकाे हाे ।
यस्तै, नेपालले थाइल्याण्डको क्लब चोनबरी एफसीसँग पनि मैत्रीपूर्ण खेल खेल्नेछ ।
उक्त खेल आइतबार चोनुबारीमै हुने छ ।
एसियन कप छनोटमा नेपाल समूह ‘ए’ मा रहेको छ ।
नेपाल रहेको समूहमा कुवेत, इन्डोनेसिया र जोर्डन रहेका छन् ।
नेपालको समूहको छनोट खेलहरु कुवेतमा आयोजना हुने छ ।
छनोट खेलहरु जुन ८ देखि १४ सम्म हुने छ ।
नेपालले जुन ८ मा जोर्डनसँग खेल्दै छनोटको सुरुआत गर्ने छ ।
दोस्रो खेलमा नेपालले जुन ११ मा कुवेतको सामना गर्ने छ ।
नेपालले जुन १४ मा इन्डोनेसियाविरुद्ध खेल्ने छ ।
