अभिनेत्री ऋचा शर्मा अभिनीत फिल्म ‘कौसीद’को प्रदर्शन मिती घोषणा गरिएको छ ।
निर्माण टिमले फिल्मको पोस्टर सार्वजनिक गर्दै आगामी जेठ २७ गतेलाई प्रदर्शन मिति घोषणा गरेको हो । सार्वजनिक गरिएको फिल्मको पोस्टरमा ऋचालाई फरक रुपमा प्रस्तुत गरिएको छ ।
पैसाको बिटोलाई अङ्गालो हाल्दै अचम्मित मुद्रामा देखिएकी ऋचा फिल्ममा विवाहित महिलाको भूमिकामा रहेको पोस्टरबाट प्रस्ट हुन्छ ।
फिल्मको प्रस्तुतकर्तामा पनि ऋचा नै रहेकी छिन् । फिल्ममा ऋचासँगै भोलाराज सापकोटा, रुपेश दाहाल, परिक्षित विक्रम राणा, सदिक्षा गौतम, निर्भिक भट्टराई र सागर भट्टराई लगायतको अभिनय रहेको छ ।
बड पिक्चर्सको ब्यानरमा निर्मित फिल्ममा वित्तिय ऋणको प्रभावमा परेको परिवारको कथा देखाइएको छ । फिल्मलाई कुमार भास्करले निर्देशन गरेका हुन् ।
केदार भुसालको निर्माणमा तयार भएको फिल्मको कार्यकारी निर्मातामा दिमेश श्रेष्ठ र सह-निर्मातामा लक्ष्मण बानियाँ रहेका छन् ।
नव विजय प्रकाश श्रेष्ठ र धिर्जन थपलियाले फिल्मको कथा लेखेका हुन् । निसाल पौडेलले छायाङ्कन गरेको फिल्मलाई मित्र डि. गुरुङ र भिम विश्वकर्माले सम्पादन गरेका छन् ।
