नेपाली राष्ट्रिय पुरुष फुटबल टोलीका मुख्य प्रशिक्षक अब्दुल्लाह अलमुताइरी नेपालकाे सुदूरपूर्व जिल्ला झापा आउने भएका छन् ।
झापामा जारी पाँचाैँ संस्करणकाे झापा गोल्डकपको फाइनल खेल हेर्न प्रशिक्षक विर्तामोड आउन लागेका हुन् ।
उनीसँगै नेपाली फुटबल टाेलीका व्यवस्थापक मधुसुदन उपाध्याय पनि झापा आउँदैछन् ।
विर्तमाेडस्थित डोमलाल राजवंशी रंगशालामा आज झापा गाेल्डकपकाे फाइनल खेल हुँदैछ ।
मध्यान्ह १२ बजे हुने फाइनल खेलमा त्रिभुवन आर्मी फुटबल क्लब र आयाेजक झापा–११ को आमनेसामने हुँदैछन् ।
आफू खेल हेर्न झापा आउन लागेकाेबारे प्रशिक्षक अलमुताइरीले आफ्नो सामाजिक सञ्जालमार्फत जानकारी दिइसकेका छन् ।
‘प्रतियाेगितामा उत्साह भर्न प्रशिक्षक अलमुताइरीलाई फाइलनमा बाेलाइएकाे हाे’ झापा गाेल्ड कपका अध्यक्ष विनाेद बस्नेतले भने, ‘वहाँ खेल अवधिभर मैदानमा नै रहेर खेल हेर्नुहुनेछ ।’
कुवेत मुलका प्रशिक्षक अलमुताइरी नेपाली फुटबल समर्थकमाझ निकै चर्चित छन् । सामाजिक सञ्जालमा निकै सक्रिय उनी समर्थक र फुटबल प्रेमीसँग निकै नजिक छन् ।
उनकै प्रशिक्षकमा नेपालले पहिलाेपटक साफ च्याम्पियनसिप फुटबलकाे फाइनल खेलेकाे थियाे ।
हाल एसियन कपकाे समूह चरणकाे तयारीमा रहेकाे नेपाल मार्च अन्तिममा थाइल्यान्डमा हुने दुई मैत्रिपूर्ण खेलका लागि प्रशिक्षणमा व्यस्त छ ।
कतार फुटबल एसाेसिएसनकाे सहयाेगमा गत चैत ६ गते नेपाली टाेली सम्हाल्न आइपुगेका अलमुताइरी कुवेतका प्राे लाइसेन्स प्राप्त प्रशिक्षक र एएफसी काेचिङ इन्स्ट्रक्टर समेत हुन् ।
पहिलाे पटक राष्ट्रिय फुटबल टाेली सम्हालेका अलमुताइरीसँग उमेर समूहका क्लब फुटबल र राष्ट्रिय टाेली सम्हालेकाे अनुभव छ ।
आक्रमक फुटबलशैली मनपराउने अलमुताइरीकाे आगमनसँगै नेपालकाे आक्रमण र काउन्टर एट्याकमा निकै सुधार भएकाे विश्वास गरिन्छ ।
