अभिनेता प्रदीप खड्काको मूख्य भूमिका रहेको फिल्म ‘प्रकाश’ को प्रदर्शन मिति घोषणा गरिएको छ ।
अभिनेता खड्काको जन्मदिनको अवसर पारेर आज निर्माण टिमले फर्स्टलुक पोस्टर सहित प्रदर्शन मिति सार्वजनिक गरेको हो ।
सार्वजनिक पोस्टरमा प्रदीप र अभिनेत्री दीया मास्केलाई भिन्न रूपमा प्रस्तुत गरिएको देख्न सकिन्छ ।
आउँदो भदौ १० गते फिल्म रिलिज हुने भएको छ ।
निम्न वर्गीय परिवारमा हुर्किएको एक युवकले सरकारी स्कूलको शिक्षक बन्न गर्ने सङ्घर्षमा फिल्म आधारित रहेको छ ।
त्यसबाहेक चलचित्रकाे पाेस्टर र कलाकार प्रदीप खड्काकाे पाेस्टलाई आधार मान्ने हाे भने ‘प्रकाश’ मा कर्णालीका विषयलाई देखाइएकाे प्रस्ट हुन्छ ।
दिनेश राउतको निर्देशनमा तयार भएको फिल्ममा रेणु योगी मूख्य भुमिका निर्वाह गर्दै छिन् ।
फिल्ममा प्रकाश घिमिरे, रामबाबु रेग्मी, पवित्रा खड्का, प्रशान्त श्रेष्ठ, निरज पन्थी, गोविन्द सुनुवार, लोकेन्द्र लेखक, दीपेन्द्र शाहीलगायतका कलाकारहरूको अभिनय रहेको छ ।
विकास सुवेदीको कथा रहेको फिल्मलाई महेन्द्र अधिकारीले निर्माण गरेका हुन् ।
फिल्ममा राजेश श्रेष्ठको छायाङ्कन, जिवन थापाको सम्पादन तथा दिपक शर्मा, तारा प्रकाश लिम्बु र एलिस कार्कीको सङ्गीत छ ।
