नेपालकी भूमिका श्रेष्ठलाई सन् २०२२ को सहासिक महिला पुरस्कार प्रदान गरिने भएको छ ।
अमेरिकी विदेश मन्त्रालयले उनलाई यो पुरस्कार प्रदान गर्ने निर्णय गरेको हो ।
नेपालका यौनिक अल्पसङ्ख्यकको हक अधिकारका लागि कार्यरत भूमिका श्रेष्ठले पुर्याएको योगदानका लागि सो पुस्कार दिइएको अमेरिकी विदेशमन्त्रालयले जनाएको छ ।
सो पुरस्कार यस अघि एसिड पीडित मुस्कान खातुनले पाएकी थिइन् ।
काठमाडौँको नैकापमा जन्मिएकी तेस्रो लिंगी अर्थात् ट्रान्सजेन्डर भूमिकाले ट्रान्सजेन्डरसँगै समलिङ्गीको अधिकारको क्षेत्रमा काम गर्दै आएकी छन् ।
उनी ब्लु डाइमण्ड सोसाइटीमा आबद्ध भएर काम गर्दै आएकी छन् ।
तेश्रोलिङ्गी समुदायको हक, अधिकार र लैङ्गिक समानता लागि आवाज उठाउँदै आएकी श्रेष्ठ यसअघि विश्वका १०० प्रभावशाली व्यक्तिको सूचीमा परेकी थिइन् ।
बेलायती संस्था एपोलिटकलले सार्वजनिक गरेको लैङ्गिक समानतासम्बन्धी शीर्ष १०० व्यक्तिको सूचिमा श्रेष्ठ पनि परेकी हुन् ।
