नेष्डो समृद्ध लघुवित्त वित्तीय संस्था लिमिटेडको मङ्गलवार आइपिओ बाँडफाँड भएको छ ।
कम्पनीले गत फागुन १ गतेदेखि १५ गतेसम्म सर्वसाधारणका लागि शेयर निष्कासन गरेको थियो ।
मागभन्दा धेरै आवेदन परेको हुनाले आइपिओ गोला प्रथाद्वारा बाँडफाँट गरिएको थियो ।
२५ लाख २७ हजार १ सय १ जनाले शेयर आवेदन गरेकोमा २५ लाख २२ हजार ९ सय ५५ जना योग्य निवेदकबाट गोला प्रथाबाट बाँडफाँट गर्दा ७७ हजार ४ सय ५६ जनाले १० कित्ता सेयर प्राप्त गरेका छन् ।
नेष्डोले प्रतिकित्ता १०० रुपैयाँ अङ्कित दरका ८ करोड २८ लाख ७५ रुपैयाँ बराबरका ८ लाख २८ हजार ७ सय ५० कित्ता आइपिओ निष्कासन गरेको थियो ।
बिक्री प्रबन्धककानुसार आईपिओमा कुल २५ लाख २७ हजार १०१ जनाले आवेदन दिएका थिए ।
त्यसमा चार हजार १४६ जनाको आवेदन रद्द भएको थियो ।
बाँकी, २५ लाख २२ हजार ९५५ योग्य आवेदकमध्ये ७७ हजार ४ चार ५६ आवेदकलाई १० कित्ताका दरले गोला प्रथामार्फत शेयर बाँडिएको हो ।
बाँकी तीन कित्ता शेयर २० कित्ताभन्दा धेरै आवेदन दिनेलाई एकएक कित्ताका दरले बाँडिएको क्यापिटलले जनाएको छ ।
कम्पनीले निष्काशन गरेको साधारण शेयरमा कुल निष्काशनको पाँच प्रतिशत (४१ हजार ४३७) कित्ता सामूहिक लगानी कोषलाई दिइएको थियो ।
जारी पूँजी (रु. २५ करोड ५० लाख) को शून्य दशमलव पाँच प्रतिशत (१२ हजार ७५०) कित्ता शेयर कर्मचारीलाई दिइएको थियो ।
र, बाँकी ७ लाख ७४ हजार ५६३ कित्ता शेयर खरिदका लागि सर्वसाधारणले गत फागुन ११ गतेदेखि १५ सम्म आवेदन दिएका थिए ।
बाँडफाँडको नतिजा सम्बन्धित कम्पनी, बिक्री प्रबन्धक र सिडिएस एण्ड क्लियरिङ लिमिटेडको वेवसाइट (मेरो शेयर) मार्फत हेर्न सकिने कम्पनीले जनाएको छ ।
