जाल्पा सामुदायिक लघुवित्त वित्तीय संस्थाले सर्वसाधारणको लागि निष्कासन गरेको शेयर बाँडफाँट भएको छ ।
लघुवित्तको शेयर निष्काशक तथा बिक्री प्रबन्धक प्रभु क्यापिटलले सर्वसाधारणको लागि निष्कासन गरेको शेयर आइतबार साँझ बाँडफाँड गरेको हो ।
लघुवित्तको आइपिओमा कुल २७ लाख ९ हजार ८५५ जना आवेदकबाट ३ अर्ब ३१ करोड ४७ लाख १५ हजार रुपैयाँ बराबरको ३ करोड ३१ लाख ४७ हजार १५० कित्ता शेयरको लागि आवेदन परेको थियो ।
त्यसमध्ये १ लाख २२ हजार ४४३ जनाको आवेदन रद्द भएका छन् ।
जाल्पा लघुवित्तले माघ २१ गते देखि ५ करोड २२ लाख रुपैयाँ बराबरका ५ लाख २२ हजार कित्ता आइपिओ जारी गरेको थियो ।
