चर्चित गजल गीत ‘न बर्सेँ तिमीलाई’ लाई बोलको गीत नयाँ भर्सनमा सार्वजनिक गरिएको छ । नयाँ भर्सनमा गायिका रचना रिमालको स्वर छ ।
अञ्जु पन्तको स्वरमा सजिएको यो गीतलाई अहिले गायिका रिमालले गाएकी हुन् ।
यो गजल गजलकार विपीन किरणले रचेका हुन् भने महेश खड्काले यस गजलमा सङ्गीत भरेका छन् ।
एक दशकभन्दा अघि पन्तको स्वरमा सार्वजनिक भएको यो गजल त्यसबेला निक्कै चर्चित भएको थियो ।
यो गजलको मेल भर्सन जगदीश समालको स्वरमा सार्वजनिक भएको थियो ।
सोही चर्चित गजल पछिल्लो पुस्ताकी लोकप्रिय गायिका रिमालको स्वरमा पुनः रेकर्ड गरेर सार्वजनिक गरिएको हो ।
बिहीबार ‘किरण क्रियसन’ नामक युट्युब च्यानलमार्फत सार्वजनिक गजलमा किरण कँडेलको एरेञ्ज छ ।
बुद्ध थापाले खिचेको नयाँ भर्सनको भिडियोलाई विनोद बमले सम्पादन गरेका छन् ।
