च्यासलका १९ जना खेलाडीलाई कोरोना सङ्क्रमण भएपछि रोकिएको च्यासल युथ क्लब र नेपाल पुलिस क्लबबीचको खेल शनिबार हुने भएकाे छ ।
सहिद स्मारक ‘ए’ डिभिजन लिगअन्तर्गत नवौँ चरणमा यी दुईबीच हुने भनिएकाे खेल काेभिड संक्रमणका कारण स्थगित गरिएकाे थियाे ।
अखिल नेपाल फुटबल सङ्घ (एन्फा) ले सोमबार विज्ञप्ति जारी गर्दै पुलिस र च्यासलको खेल शनिबार खेलाउने जानकारी दिएको हो ।
यसअघि माघ २ गतेका लागि तय भएको उक्त खेल अन्तिम समयमा स्थगित भएको थियो ।
एन्फाले लिगको १०औँ राउन्डदेखिका खेलका लागि नयाँ मिति हालसम्म सार्वजनिक गरेको छैन ।
लिगमा आठ खेल खेलेको पुलिस अहिले सात अङ्कसहित ११औँ स्थानमा छ । समान खेलबाट पाँच अङ्क बनाएको च्यासल १३औँ स्थानमा छ । च्यासलले रेलिगेसन रेखा जोगाउन सकेको छैन ।
नाै खेलमा २० अङ्क बनाएकाे मछिन्द्र अपराजित रहँदै लिगकाे शीर्ष स्थानमा छ । समान खेल खेलेकाे मनाङ मस्र्याङ्दी क्लब १९ अङ्कका साथ दाेस्राे र १७ अङ्कका साथ त्रिभुवन आर्मी फुटबल क्लब तेस्राे स्थानमा छ ।
