अभिनेता दीपकराज गिरीले नेपालको २०७८ जनगणनाको प्रारम्भिक नतिजापछि सामाजिक सञ्जालमा व्यङ्ग्य गरेका छन् ।
उनले देशमा भ्रष्टाचार, महङ्गी, गरिबी, हत्या हिंसा बढेको देखेर जनसङ्ख्या बढ्न डराएको भन्दै सामाजिक सञ्जालमा व्यङ्ग्य गरेका हुन् ।
गिरीले फेसबुकमा लेखेका छन्, ‘१० वर्ष भो तीन करोड जनसङ्ख्या भनेको । आज पनि दुई करोड ९१ लाख मात्रै रहेछ । देशमा भ्रष्टाचार, महङ्गी, गरिबी, हत्या हिंसा बढेको देखेर होला जनसङ्ख्या बढ्न डराएछ गाँठे ।’
अभिनेता गिरीले बेलाबेला राजनीतिकदेखि समसामयिक विषयमा व्यङ्ग्य गर्दै आएका छन् । बेला बेला यसै कारण उनि विवादमा समेत तानिने गरेका छन् ।
