प्रदेश १ मा पछिल्लो २४ घण्टामा एक हजार १६ जनामा कोरोना सङ्क्रमण पुष्टि भएको छ ।
सामाजिक विकास मन्त्रालयअनुसार एक हजार चार सय ९२ जनाको पिसिआर परीक्षण गर्दा ६ सय ९० र नौ सय पाँच जनाको एन्टिजेन परीक्षण गर्दा तीन सय २६ जनामा सङ्क्रमण पुष्टि भएको हो ।
मोरङमा तीन सय दुई, सुनसरीमा दुई सय सात, झापामा एक सय २८ जनामा कोरोना सङ्क्रमण भएको मन्त्रालयले जनाएको छ।
त्यस्तै धनकुटामा आठ, तेह्रथुममा सात, इलाममा चार, उदयपुरमा तीन, संखुवासभामा दुई, भोजपुरमा एक र प्रदेश १ बाहिरका २८ जनामा कोरोना सङ्क्रमण देखिएको हो ।
पछिल्लो २४ घण्टामा सङ्क्रमणबाट एक महिलाको मृत्यु भएको छ । सोहि अवधीमा तीन सय २२ जना सङ्क्रमणमुक्त भएका छन् ।
सङ्क्रमणमुक्त हुनेमा एक सय ५२ महिला र एक सय ७० पुरुष रहेका छन् । त्यस्तै, देशमा सक्रिय सङ्क्रमितको सङ्ख्या ६ हजार आठ सय २१ रहेको मन्त्रालयले जनाएको छ ।
