स्वास्थ्य तथा जनसङ्ख्या मन्त्रालयले नेपालमा कोरोना सङ्क्रमण पुष्टि भएकामध्ये ८८ प्रतिशतमा नयाँ भेरिएन्ट ओमिक्रोन रहेको जनाएको छ।
मन्त्रालयका सहप्रवक्ता डाक्टर समीरकुमार अधिकारीले टेकुस्थित राष्ट्रिय प्रयोगशालामा एस जिन पोजेटिभ भएका ३२ नमुनाको जिन सिक्वेन्सिङ गर्दा २८ वटा नमुनामा ओमिक्रोन र चार नमुनामा डेल्टा भेरिएन्ट पुष्टि भएको जानकारी दिए ।
एस जिन पोजेटिभ भएका ८८ प्रतिशतमा ओमिक्रोन पुष्टि भएको उनले जानकारी दिए ।
यो नतिजा हेर्दा नेपालमा पनि अन्य मुलुकमा जस्तै ओमिक्रोन भेरिएन्टले डेल्टालाई प्रतिस्थापन गरेको डा.अधिकारीको भनाइ छ ।
